रागी मिलेट ले कृषक डोंगर सिंह अउ विजयशंकर होइस समृद्ध

कम लागत में जादा मुनाफा, रागी फसल ले भरत हे खजाना
रायपुर, 5 सितंबर 2023

ए बछर ल लघु धान्य मिलेट वर्ष के रूप में मनाय जाथ हे। छत्तीसगढ़ में लघु धान्य फसल ल सरलग बढ़ावा दिए जाथ हे। ए क्रम में महासमुंद जिला ल गत बछर 1500 हेक्टेयर के लक्ष्य दिए गए रहिस। विभाग के प्रयास ले जिला के पिथौरा, बसना विकासखण्ड में लघु धान्य मिलेट बड़े पैमाना म लगाए गए हे। बसना विकासखण्ड अंतर्गत ग्राम भंवरपुर में 100 एकड़ क्षेत्र में 33 किसान मन ह रागी फसल के उत्पादन कर लाभ अर्जित करे हे।
कृषि विभाग कती ले किसान मन ल दिए गए समझाईस अउ मुफ्त बीज वितरण ले प्रभावित होके पिथौरा विकासखण्ड के ग्राम फरौदा के कृषक श्री डोंगर सिह चक्रधारी ह रबी फसल वर्ष 2022-23 में 0.40 हेक्टेयर क्षेत्र में कृषि विभाग के राष्ट्रीय कृषि विकास योजना (रफतार) अन्तर्गत रागी बीज किस्म वी.एव. मड़िया-376 प्राप्त कर अपन खेत में लगाय रहिस। योजनांतर्गत उमन ल 6 हजार रुपिया प्रति हेक्टेयर के दर से बीज अउ इनपुट सामग्री के रूप में अनुदान प्राप्त होइस। जेकर से उमन ल बढ़िया उत्पादन अउ लाभ घलो मिलिस।

इसने सरायपाली विकासखण्ड के ग्राम बिजातीपाली के कृषक श्री विजयशंकर पटेल ह बताइस कि कृषि विस्तार अधिकारी के सलाह म 1.80 हेक्टेयर क्षेत्र में रागी फसल लगाय रहिस। जेकर कुल उत्पादन 21.59 क्विंटल प्राप्त होइस। जेकर से मोला एक लाख 12 हजार रुपिया के लाभ होइस हे। ओ ह बताइस कि ओ पहिली बछर में धान लगात रहिस, फेर पानी के कमी के सेती धान के फसल नई हो पात रहिस। कम पानी में रागी फसल के अच्छा उत्पादन होइस जेकर से मोला बढ़िया आय अर्जित होइस। दूनों किसान मन ह राज्य शासन ल ए महत्वपूर्ण कार्यक्रम ह धन्यवाद ज्ञापित करिस हे।