रइपुर 08 मई 2021 शनिच्चर। लोकसभा सांसद श्री राहुल गांधी ह श्रीमती बल्दी बाई के निधन म दुख व्यक्त करीन। उन मन श्रीमती बल्दी बाई के परिजन श्री धनसाय सोरी अउ श्री बालचंद सोरी ल पाती लिखकेे मृतात्मा ल श्रद्धांजलि देवत अपन संवेदना व्यक्त करीन हे । उन मन ईश्वर ले मृतात्मा ल शांति देहे अउ सबो परिवारजन ल ये असह्य पीरा ल सहे के शक्ति देहे केे प्रार्थना करीन।
सांसद श्री राहुल गांधी ह पाती म उल्लेख करे हे कि स्वर्गीय श्रीमती बल्दी बाई के हमर परिवार बर अबड़ मया रिहिसे। छत्तीसगढ़ प्रवास के बेरा उन मन मोर पिताजी स्वर्गीय राजीव गांधी जी के अबड़े आत्मीयता ले स्वागत-सत्कार करे रिहिन। शोक के ये घड़ी म मैं आपके अउ परिवार के सबो सदस्य के प्रति अपन हार्दिक संवेदना व्यक्त करत हौं।
