नई दिल्ली, 16 फरवरी 2020. कांग्रेस के पूर्व राष्ट्रीय अध्यक्ष राहुल गांधी ह स्वास्थ्य मंत्री टीएस के माता देवंद्र कुमारी सिंहदेव के निधन म गहरा दु:ख व्यक्त करे हे. राहुल गांधी ह खत लिखके कहिन कि हमन कांग्रेस के एक निष्ठावान सदस्य ल खो देन. वो ह उम्र भर गरीब वंचित मन बर काम करे हे. ऊंखर कार्य हमन ल आगु भी प्रेरणा देवत रही. ओला हमन बहुत याद करबो।
सार्वजनिक सेवा के प्रति उंखर आजीवन प्रतिबद्धता ल याद करे जाही, अउ उंखर विरासत हमन ल मार्गदर्शन देवत रही. साथ ही उंखर उदारता लोगन मन के द्वारा याद करे जाही. मे आपके पीड़ा अउ दुख के कल्पना ल समझ सकत हो. मोर विचार अउ प्रार्थना ये कठिन समय म आपके अउ आपके परिवार के संग हे.
बतात हन कि ऐखर पहली कांग्रेस के अंतरिम अध्यक्ष सोनिया गांधी ह खत लिखके राजमाता के निधन म दु:ख जताये रहिस. ओहा बोले रहिस कि उंखर निधन ले छत्तीसगढ़ अउ कांग्रेस पार्टी के मन एक सक्षम प्रशासक अउ एक ईमानदार नेता खो दिस हे. कांग्रेस पार्टी कोती ले अउ अपन कोती ले मे ये दु:ख के घड़ी म आपके अउ शोक संतप्त परिवार के अन्य सदस्य मन के प्रति संवेदना व्यक्त करत हव.
गुरतुरगोठ बर दिलीप कुमार
