रायपुर, राष्ट्रीय आदिवासी नृत्य महोत्सव के शुभारंभ मौका म पहुंचे सांसद श्री राहुल गांधी के आदिवासी मन ह परंपरागत वाद्य यंत्र अऊ नृत्य ले स्वागत करिन। ए बेरा म छत्तीसगढ़ के लोक नृत्य दल के संग जब मुख्य मंच म प्रस्तुति देहे जात रहिस तब श्री राहुल गांधी घलोक खुद ल रोक नइ पाइन अऊ मुख्यमंत्री श्री भूपेश बघेल के संग मुख्य मंच म पहुंच गें। ओ मन एक कलाकार के मांदर लेके खुद बजाय लगिन अऊ बाकी कलाकार मन के संग लय मिलाके जमकर थिरकिन। ऊंखर संग मुख्यमंत्री श्री भूपेश बघेल अऊ आन अतिथि मन ह घलोक नृत्य करके नर्तक दल मन के उत्साहवर्धन करिन।
मांदर के थाप म थिरकिन राहुल गांधी अऊ पहुना
