रायगढ़, आंगनबाड़ी नान्हें लइका मन बर शिक्षा के पहिली सिढि़या होथे, जेमां नान्हें लईका मन शिक्षा के पहिली पाठ पढ़थें। कलेक्टर श्री भीम सिंह के बताए मुताबिक जिला के नान्हें लइका मन ल बेहतर अऊ मनोरंजक वातावरण प्रदान करे बर आंगनबाड़ी मन के कायाकल्प करके नान्हें लइका मन के अनुकूल वातावरण प्रदान करे के काम करे जात हे।
कलेक्टर श्री सिंह के पहल म जिला के 57 आंगनबाड़ी मन म 2 करोड़ ले जादा के लागत ले उन्नयन के काम कराए जात हे। जिला के 21 आंगनबाड़ी मन के मरम्मत कर के मॉडल आंगनबाड़ी म बदले जा चुके हे अऊ 36 आन आंगनबाड़ी मन ल मॉडल आंगनबाड़ी बनाए के काम करे जात हे। जेमां मरम्मत, रंग-रोगन अउ लइका मन के अध्यापन संबंधी अनुकूल आकर्षक साज-सज्जा करे जात हे। जेखर से लइका मन ल सुग्घर अऊ मनोरंजक वातावरण मिलय अऊ नान्हें लइका मन खेल-खेल म बहुत कुछ सीख सकयं। जेमां पुसौर, कोसीर, रायगढ़ ग्रामीण, बरमकेला, खरसिया, सारंगढ़, मुकडेगा, लैलूंगा, तमनार, घरघोड़ा, धरमजयगढ़, कापू अउ लेन्ध्रा परियोजना के आंगनबाड़ी सामिल हे। ए आंगनबाड़ी मन म मरम्मत, अंदर के साज-सज्जा अउ रख-रखाव अउ सामान के प्रबंधन के काम करे जाही। ये मां लइका मन बर अंदर के भवन म रंग-रोगन, चित्रकारी के संग नान्हें लइका मन बर खेल सामान के व्यवस्था करे जात हे। जेखर से नान्हें लइका मन ल सुग्घर वातावरण मिल सकय।
आंगनबाड़ी मन के होवत हे कायाकल्प, तियार होवत हे ‘मॉडल आंगनबाड़ी’
