रायगढ़, आजादी के 75 वां वर्षगांठ ‘अमृत महोत्सव’ म सांस्कृतिक कार्यक्रम अऊ अखिल भारतीय कवि सम्मेलन के आयोजन जिला प्रशासन कोति ले नगर निगम ऑडिटोरियम म होइस। देश अऊ प्रदेश ले पहुंचे नामी कलाकार मन ह अपन मनमोहक प्रस्तुति दीन। कार्यक्रम के शुरु म उग्रसेन पटेल अऊ साथी मन कोति ले सरस्वती वंदना के प्रस्तुति होईस। जेखर पाछू नवरत्न बिंझवार ह बैंजो म लोकधुन मन के मोहक प्रस्तुति दीन। जेन ल सुनके श्रोता गण भाव विभोर हो उठिन। एखर बाद भोजराम पटेल ह छत्तीसगढ़ी महतारी ल समर्पित लोक गायन के प्रस्तुति दीन। ऊंखर गायन म लोक संस्कृति अऊ जन जीवन के झलक दिखिस। रायगढ़ के लोक गायक दीपक आचार्य ह अपन संगी मन के संग छत्तीसगढ़ी गीत मन के कड़ी प्रस्तुत करिन। जेखर बाद शेखर गिरी अऊ संगी मन ह सतनाम के संदेश देवत पंथी नृत्य प्रस्तुत करिन। तब्बू परवीन के समूह ह सुवा नृत्य के प्रस्तुति दीस। नृत्य श्री सम्मान ले सम्मानित रायगढ़ घराना के कथक नृत्यांगना सुश्री स्नेहा परिमिता स्वाइन ह अमृत महोत्सव के मंच म अपन कला के प्रदर्शन करिस। वो ह अपन नृत्य के शुरुआत शिव वंदना ले करिस, जेखर पाछू ठाट, आमद, तोडा अऊ पारा के प्रस्तुति दीन। उमन रायगढ़ घराना के बंदिश अऊ भाव भंगिमा मन के मोहक प्रस्तुति नृत्य के माध्यम ले दीन। एखर बाद एम जी कॉलेज खरसिया के एनसीसी कैडेट मन ह स्वतंत्रता सेनानी मन ल समर्पित शहीद ए दास्तान भाव नाटिका के शानदार मंचन करिन। ये बेरा म बाल नृत्यांगना रिद्धि अऊ सिद्धि कोसले ह भरतनाट्यम के भावपूर्ण प्रस्तुति दीन। शहर के तबला वादक दीपक महंत ह मंच म ताल अऊ त्रिताल के तबला वादन प्रस्तुत करिस। ये मौका म सबो कलाकार मन ल स्मृति चिन्ह अऊ प्रशस्ति पत्र देके सम्मानित करे गीस।
लउछरहा..
बेचे खातिर दारू लेजत युवक गिरफ्तार
रायगढ़, 13 मई 2024। पुलिस चौकी खरसिया के पेट्रोलिंग ल मुखबीर ले मिले सूचना म आरोपित...कलेक्टर कार्तिकेय गोयल ह मेरिट के छात्र-छात्रा मन ल करिस सम्मानित
May 11, 2024 Surabhi Tiwari Comments Off on कलेक्टर कार्तिकेय गोयल ह मेरिट के छात्र-छात्रा मन ल करिस सम्मानितरायगढ़ 11 मई 2024। कलेक्टर कार्तिकेय गोयल ह कलेक्ट्रेट कक्ष म माध्यमिक शिक्षा मंडल के घोषित...पेट्रोल पंप कर्मचारी ले मारपीट, दू युवक गिरफ्तार
रायगढ़, 10 May 2024। घरघोड़ा पुलिस ह पेट्रोल पंप कर्मचारी ले आपसी रंजिश म गाली गलौच...