रायगढ़, न हींग लगे नइ फिटकरी तभो काम चोखा.. जइसे कहावत ल चरितार्थ करत हे मुख्यमंत्री श्री भूपेश बघेल के मितान योजना। कोनो प्रकार के कागद बनवाए म अब मनखे मन ल दफ्तर तक जाय के झंझट नइ हे, संगेच समय अऊ पइसा के घलोक बचत होवत हे। 14545 नम्बर म बस एक कॉल करे ल परथे, मितान आप मन के घर पहुंच जाथे अऊ आप मन ल जेन प्रमाण-पत्र चाही ओला बनवाके देथे। सही मं आज छत्तीसगढ़ शासन के सबो योजना मन मनखे मन बर लाभदायक साबित होवत हे।
मितान योजना के माध्यम ले आज मनखे मन ल 13 प्रकार के सेवा उपलब्ध होवत हे। योजना के शुरू होए ले सरकारी काम अऊ आसान हो गए हे। मितान मन के जरिये मनखे मन ल घर बइठे नागरिक सेवा मन के लाभ तय समय-सीमा म पूरा पारदर्शिता के संग ऊंखर दुवारी म मिलत हे। मितान योजना के विश्वसनीयता के प्रमाण हे कि अब तक शहर के मनखे मन ह प्रमाण पत्र बनवाए बर टोल फ्री नम्बर 14545 म 720 मनखे मन ल काल करें हें जेला घर पहुँचाके मितान ह प्रमाण पत्र देहे हे।
रायगढ़ : मितान योजना ले घर पहुंचत हे मनखे मन तक कागद
