रेल लाइन दोहरीकरण के काम रोके बर पहुंचीस 2 दर्जन नक्सली, मजदूर मन ल धमका के भगाईन
जगदलपुर, 16 फरवरी 2020। बस्तर जिला अउ दंतेवाड़ा जिला के सीमा म के के रेल मार्ग म चलत लाइन दोहरीकरण के काम ल रोके के इरादा ले माओवादी मन कुमार सागर स्टेशन के पास आगजनी करिस। ये स्टेशन ले 5 किलोमीटर के दूरी म पुल निर्माण के काम चलत रहिस, इहा काम करत मजदूर मन ल काम रोके बर आए माओवादी मन धमकाइस अउ मौका ले भगा दिस। बिहनिया करीब 8:00 बजे पहुंचे 20 ले 25 के संख्या म माओवादी हथियार लाये रहिस। ओमन मौका म काम करत पोकलेन ल आग के हवाला कर दिस. लंबा समय के बाद ये जगह म माओवादी मन के सक्रियता दोबारा देखे बर मिलत।
गुरतुर गोठ बर दिलीप कुमार
