रायपुर,13 अक्टूबर 2020। रायपुर शहर अउ प्रदेश म IPL 2020 के क्रिकेट मैच म बडका पैमाना म सट्टा खेलाय के सूचना लगातार मिले म पुलिस उप महानिरीक्षक अउ वरिष्ठ पुलिस अधीक्षक द्वारा रायपुर पुलिस ल क्रिकेट सट्टा के कारोबार म प्रभावी अंकुश लगाय बर कार्यवाही करे के निर्देश करे गेहे। सोमवार रात रायपुर के मालवीय रोड स्थित होटल शीतल म पुलिस ह छापामार कार्रवाई करिस। ये कार्रवाई म सट्टा पट्टी के दु आरोपी ल गिरफ्तार करे हे। एखर संग ही उखर पास ले 4200 रुपिया नकद अउ 51 लाख 60 हजार रुपए के सट्टा पट्टी घलो बरामद करे गेहे।
जानकारी के मुताबिक, गिरफ्तार आरोपी के नाम अमित मिश्रा अउ संदीप अग्रवाल हे। ये दुनों कोलकाता नाइट राइडर अउ बेंगलुरु के टीम म दांव लगवाय रिहिस। पुलिस ले बचे बर ये दुनों सरगुजा जिला ले रायपुर आय रिहिस अउ होटल म कमरा लेके इहें ले सट्टा के रैकेट ऑपरेट करत रिहिस। पुलिस ल खुफिया इनपुट मिलीस अउ इहें छापा मार करके पकड़ ले गीस।
आरोपी के पास ले 4200 रुपिया, 51 लाख 60 हजार रुपिया के दो पेज आईपीएल किक्रेट के सट्टा पट्टी, सैमसंग अउ आईफोन ब्रांड के दु स्मार्ट फोन अउ 1 कैलकुलेटर मिलीस। ये मन ल पकड़ के पुलिस थाना ले आये हे अब एखर रैकेट ले जुड़े जानकारी लेहे जावत हे।