रायपुर जिला के बनचरौदा गोठान म स्व सहायता समूह के महिला मन ह सुनिन लोकवाणी

रायपुर, आकाशवाणी केन्द्र रायपुर ले प्रसारित होए मुख्यमंत्री के वार्ता ‘लोकवाणी’ कार्यक्रम ल आरंग विकासखण्ड के ग्राम वनचरौदा म स्थित आदर्श गोठान म महिला स्व सहायता समूह मन के महिला मन ह उत्साह के संग सुनिन। समूह के महिलाओं ह प्रतिक्रिया देवत कहिन कि मुख्यमंत्री श्री भूपेश बघेल ह आज रेडियो वार्ता लोकवाणी के माध्यम ले आम मनखे मन ले सीधा बात करिन कार्यक्रम म आदिवासी संस्कृति के संगे-संग छत्तीसगढ़ के संस्कृति अऊ परंपरा ल बचाय के आह्वान करे गीस। ये बहुतेच सराहनीय कदम हे। मुख्यमंत्री के ये प्रयास म प्रदेश के महिला मन ल घलोक भागीदार बनना चाही।
ये बेरा म विजयलक्ष्मी स्व सहायता समूह बनचरौदा के सदस्य श्रीमती ममता चन्द्राकर, अन्नपूर्णा स्व सहायता समूह के सदस्य श्रीमती राजकुमारी अउ वीणा बढ़र्इ संग प्रदेश के कई ठन जिला मन ले प्रशिक्षण बर आए समूह के महिला मन ह घलोक उत्साह के संग एला सुनिन।