रइपुर, 06 मई 2021 बिरस्पत। मुख्यमंत्री दाउ भूपेश बघेल के निर्देश म रइपुर अउ बेलासपुर नगर निगम मन के जम्मो वार्ड मन म जरूरतमंद परिवार मन ल राशन के पैकेट उपलब्ध कराए जावत हावय। कोरोना के सेति लाकडाउन ले उपजे परिस्थिति ल देखत संकटग्रस्त लोगन मन ल राहत पहुंचाए बर ये बेवस्था करे गे हे।
रायपुर नगर निगम के जम्मो 70 वार्ड म 100-100 जरूरतमंद परिवार ल राशन वितरण
रायपुर के महापौर श्री एजाज ढेबर के मार्गनिर्देशन म निगम के जम्मो 70 वार्ड मन म राशन के पाकिट वितरित करे के बूता जम्मो जोन के दल कोति ले करे जावत हे। जोन 1 के कमिश्नर श्री सुभाष चन्द्राकर ह जोन के तहत नेताजी कन्हैयालाल बाजारी वार्ड क्रमांक 15 के वार्ड पार्षद प्रतिनिधि श्री शुभम के आगू म वार्ड के जरुरतमंद परिवार ल 100 राशन पाकिट सम्बंधित परिवार के घर म जाके बांटिन ।
ओइसनेहे जोन क्रमांक 7 के जोन कमिश्नर श्री एन. आर. रत्नेश ह जोन के तात्यापारा वार्ड नम्बर 37 म पार्षद अउ निगम सामान्य प्रशासन अउ विधि- विधायी कार्य विभाग के अध्यक्ष श्री रितेश त्रिपाठी अउ शहीद चूड़ामणि नायक वार्ड क्रमांक 38 के पार्षद श्री दीपक जायसवाल के संग रहिते वार्ड 37 अउ 38 म जाके दूनों वार्ड म 100 – 100 राशन पाकिट सम्बंधित परिवार के घर म जाके उन ल बांटिन। अइसनेहे सबो जोन मन टीम कोति ले सम्बंधित वार्ड पार्षद के अगुवई म वार्ड म जरुरतमंद 100 परिवार ल राशन के पाकिट बांटे के बूता करत हावय।
बेलासपुर नगर निगम लॉकडाउन म जरूरतमंद लोगन तक पहुंचावत हे निःशुल्क राशन पाकिट
बिलासपुर नगर निगम क्षेत्र के अइसन दिहाड़ी मजदूर अउ गरीब असहाय परिवार जउन लॉकडाउन के सेति दैनिक मजदूरी नइ मिले ले अपन बर भोजन सामग्री नइ जुटा पावत हें उन मन ल नगर-निगम डाहर ले निःशुल्क राशन पाकिट बांटे जावत हे। शहर के जम्मो आठ जोन म 466 जरूरतमंद परिवार मन ह राशन के मांग करे हवय जेमन ल नगर-निगम के टीम उन्कर घर म जाके राशन के पाकिट देवत हावय।
बेलासपुर नगर-निगम के महापौर श्री रामशरण यादव अउ कलेक्टर डॉ. सारांश मित्तर ने अगुवई म निगम के सबो वार्ड म जरूरतमंद तक राशन पहुंच सुनिश्चित करे जावत हे। लोगन मन निगम कोति ले बताए फोन नंबर म नाम, पता लिखवा के घरे म राशन पहुंचत हावय। नगर निगम आयुक्त श्री अजय त्रिपाठी ह प्रत्येक जोन बर प्रभारी मन के फोन नंबर जारी करे हे जेकर ले सम्पर्क करके राशन के जरूरत ले अवगत कराए जा सकत हे।
बेलासपुर नगर निगम म सूखा राशन पाकिट बर ये नंबर मन म संपर्क करके राशन पाए जा सकत हे –
जोन क्रं. 1 सकरी के वार्ड क्रं. 1 ले 4 अउ 13 ले 14 तक बर मो. 8602736509, जोन क्रं. 2 तिफरा के वार्ड क्रं. 5 ले 12 बर मो. 9981997734, जोन क्रं. 3 टाउनहाल के वार्ड क्रं.15 ले 25 तक बर मो.8602736089, जोन क्रं 4 व्यापार विहार के वार्ड क्रं 23 ले 29 तक बर मो.8602735849, जोन क्रं 5 के वार्ड क्रं 30 ले 37 तक बर मो.8602652694, जोन क्रं 6 के वार्ड क्रं 38 ले 46 अउ 69,70 बर मो.8602736159,जोन क्रं 7 के वार्ड क्रं 47 ले 58 तक बर मो. 7024108219 अउ जोन क्रं 8 के वार्ड क्रं 59 ले 68 तक बर मो.8602652194 म सम्पर्क करे जा सकत हे ।