विजयादशमी शुभ संकल्प लेहे के पर्व :मुख्यमंत्री खुर्सीपार म आयोजित विजयादशमी समारोह म संघरिन मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ह खुर्सीपार म आयोजित विजयादशमी समारोह म हिस्सा लीन। इहां उमन अपन संबोधन म कहिन कि विजयादशमी शुभ संकल्प लेहे के पर्व ये। इहां के समिति लंबा समय ले बड़ उल्लास के संग ये पर्व ल मनात रहे हे। अतीक सुंदर आयोजन बर मैं बधाई देत हंव। उमन कहिन कि ये पर्व असत्य ऊपर सत्य के जीत के पर्व ये अऊ श्रीराम के आदर्श ऊपर चले बर प्रेरित करथे। ये मौका म विधायक अउ महापौर श्री देवेंद्र यादव ह घलोक नागरिक मन ल संबोधित करिस अऊ पर्व के शुभकामना दीस।