रायपुर, छत्तीसगढ़ ल रेल सेवा के क्षेत्र म एक अऊ बड़का सौगात मिलइया हे। भारत सरकार के रेल मंत्री श्री अश्विनी वैष्णव ह मुख्यमंत्री श्री विष्णुदेव साय ल चिट्ठी लिखके सूचित करे हें के रायपुर-जबलपुर नवा एक्सप्रेस ट्रेन ल 3 अगस्त 2025 के हरी झंडी देखाए जाही।
रेल मंत्री श्री अश्विनी वैष्णव ह जानकारी दीन के भारत सरकार छत्तीसगढ़ म रेलवे सेवा अऊ आधारभूत संरचना ल सुदृढ़ करे बर पूरा प्रतिबद्ध हे। अभी हाल म राज्य म ₹44,657 करोड़ के लागत ले कई ठन रेलवे परियोजना मन प्रगति म हे। साल 2025 के बजट म छत्तीसगढ़ ल रिकॉर्ड ₹6,925 करोड़ के स्वीकृति दे गए हे।
छत्तीसगढ़ के 32 रेलवे स्टेशन मन म विश्वस्तरीय सुविधा के व्यवस्था करे जात हे, जेमें ले 5 स्टेशन मन के हाले म प्रधानमंत्री श्री नरेंद्र मोदी ह लोकार्पण करिन। एखर संगेच छत्तीसगढ़ म दू वंदे भारत ट्रेन के संचालन घलोक पहिली ले जारी हे, जेन ‘मेक ए इंडिया’ पहल के उदाहरण हे।
यात्री मन ल मिलीस नवा ट्रेन सुविधा: रेल मंत्री ह मुख्यमंत्री ल चिट्ठी लिखके दीन जानकारी
