रइपुर, 24 अगस्त 2021 मंगल। आईआईटी अउ मेडिकल जइसे तकनीकी संस्थान मन म प्रवेश के प्रतियोगी परीक्षा मन के तियारी बर अब राज्य के छात्र-छात्रा मन ल प्रदेश के बाहिर जाए के जरूरत नई परय। राजधानी रइपुरे म ही राष्ट्रीय स्तर के कोचिंग के सुविधा होगे। स्कूल शिक्षा मंत्री डॉ. प्रेमसाय सिंह टेकाम ह जउन-एडू संस्थान कोति ले संचालित आईआईटी-मेडिकल जोन (कोचिंग सेंटर) के आज इहां सिविल लाइन म शुभारंभ करीन।
रइपुर म राष्ट्रीय स्तर के कोचिंग शुरू होए म कम खर्चा म कोचिंग उपलब्ध होही, देश के एक्सपर्ट टीचर बच्चा मन ल कोचिंग देंही। जेकर ले धन अउ समय के बचत होही।
ये हाईटेक कोचिंग संस्थान राजधानी रइपुर संग देश के 16 ठिन जगा म संचालित होही। ऑनलाईन अउ आफलाईन कोचिंग के सुविधा होही।
