रायपुर, मुख्यमंत्री विस्नु देव साय ह गुरु घासीदास बाबा जी के जयंती के पावन परब मा रायपुर के आयुर्वेदिक कॉलेज परिसर मा 5 दिन के निःशुल्क मेगा हेल्थ कैम्प 2025 के सुभारंभ करीन। “मनखे-मनखे एक समान” के संदेस ला आगू बढ़ावत ये कैम्प 18 ले 22 दिसंबर तक चलिही। मुख्यमंत्री ह कहिन के स्वास्थ्य ही ह असली धन आय अउ सरकार के कोसिस हे के समाज के आखिरी मनखे तक बढ़िया इलाज पहुँचय।
विधानसभा अध्यक्ष डॉ. रमन सिंह ह कहिन के ये ह सिरिफ़ एक ठन सिविर नोहे, बल्कि मनखे मन के सेवा अउ दया के बड़का अभियान आय। इहाँ 100 ले जादा बड़े डॉक्टर मन बीमारी के जांच अउ इलाज बर मौजूद हें। स्वास्थ्य मंत्री स्याम बिहारी जायसवाल ह बताइन के छत्तीसगढ़ के संग दूसर राज के मनखे घलो इहाँ इलाज कराय बर आवत हें। जेकर इलाज इहाँ नई हो पाही, ओला आयुष्मान कार्ड ले बड़े अस्पताल मा मुफत मा इलाज के सुबिधा देहे जाही।
विधायक राजेस मूणत ह बताइन के एके छत के नीचे एक्स-रे, सोनोग्राफी अउ दवाई मन मुफत मा मिलत हे। माई लोगन मन बर ब्रेस्ट कैंसर के जांच बर आधुनिक मशीन घलो लगाय गए हे। ये मेगा कैम्प मा एम्स रायपुर अउ कतको बड़े अस्पताल अपन सेवा देवत हें।
बाबा गुरु घासीदास जयंती के मउका मा रायपुर मा 5 दिन के मेगा हेल्थ कैम्प के सुभारंभ
