मुख्यमंत्री श्री भूपेश बघेल हा कहिस कि भाव आवेश म अइसे नकारात्मक कदम उठाये से युवा मन ला बचना हे
रायपुर, 29 जून 2020/ राजधानी रायपुर के सिविल लाईन इलाका म आज दोपहर धमतरी जिला के एक युवक ह अपन ऊपर आग लगा के आत्महत्या करे के कोशिश करिस जेखर से ओहा झुलस गे अउ उपचार बर ओला अस्पताल में भर्ती कराये गिस । जिहा चिकित्सक युवक के उपचार करथे । मुख्यमंत्री श्री भूपेश बघेल हा कहिस कि कोई ला भाव आवेश म आके अइसे नकारात्मक कदम नइ उठाना चाहि ।
राज्य सरकार हा कोरोना संकट के ये काल म घलव पूरा राज्य म रोजगार दे के व्यवस्था करे हे । मुख्यमंत्री हा घायल हरदेव सिन्हा के जल्दी स्वस्थ होये के कामना करिस ।
परिवार वाले ले प्राप्त जानकारी के अनुसार धमतरी जिला के ग्राम तेलीनसत्ती निवासी 27 वर्षीय हरदेव सिन्हा पिछले 2 साल ले मानसिक रूप से अस्वस्थ हे ।
अनुविभागीय दण्डाधिकारी धमतरी हा ये युवक के संबंध म बताइस कि हरदेव अपन घर म माता-पिता अउ तीन भाई के साथ रथे । पत्नी मजदूरी के काम करथे अउ ओखर दो बेटी हे जेखर उमर 6 वर्ष अउ 3 वर्ष हे । हरदेव के छोटे भाई घलव मानसिक रूप ले अस्वस्थ ह जेहा शादी नई करे हे अउ घर म ही रथे । बड़े भाई धमतरी के गैरेज म काम करथे अउ पिता बुजुर्गं होये के कारण घर पर ही रथे । हरदेव सिन्हा के गावं म दो एकड़ कृषि भूमि हे अउ ओहा 9वीं तक पढ़ाई करे हे । हरदेव सिन्हा के रोजगार गारंटी म जॉब कार्ड हे अउ पउर महिना ओहा 11 दिन के काम करे हे । ओखर परिवार के लोगन मन हा 21 दिन काम करे हे । हरदेव सिन्हा हा ग्राम पंचायत तेलीनसत्ती म यूट्यूब म पिक्चर बनाये के अनुमति के घलव आवेदन दे रिहिस ।
गुरतुर गोठ बर सोनू कुमार
