रायपुर, स्थानीय शिक्षित बेरोजगार युवा मन ल निजी क्षेत्र म रोजगार उपलब्ध कराए के उद्देश्य ले अवइया 3 जून के दिन जिला रोजगार कार्यालय, जुन्ना पुलिस मुख्यालय परिसर रायपुर म प्लेसमेंट कैम्प आयोजित करे गए हे। ये प्लेसमेंट कैम्प बिहनिया 11 बजे ले संझा 3 बजे तक आयोजित होही। ये मां निजी क्षेत्र के नियोजक आई.सी.आई.सी.आई बैंक अऊ केयरमेट हेल्थकेयर सिसटम सर्विसेस रायपुर कोति ले सेल्स ऑफिसर, सेल्स एक्सूटिव अउर पी.आर.ओ. आदि के 350 पद मन म भर्ति करे जाही। अइसन आवेदक-आवेदिका जिंकर शैक्षणिक योग्यता 12वीं, ग्रेजुएट या उच्चशिक्षित होवय ओ मन योग्यतानुसार प्लेसमेंट कैम्प के साक्षात्कार प्रक्रिया म सम्मिलित हो सकत हें। जादा जानकारी जिला रोजगार कार्यालय के दूरभाष नंबर 0771-2582862 ले प्राप्त करे जा सकत हे।
शिक्षित बेरोजगार युवा मन बर प्लेसमेंट कैम्प 3 जून के दिन
