रायपुर, मुख्यमंत्री श्री भूपेश बघेल ह आज राजधानी रायपुर पुलिस परेड ग्राउंड म पुलिस जवान मन के संग नव साल कार्यक्रम म भाग लीन। ये बेरा म उमन छत्तीसगढ़ पुलिस अऊ अर्धसैनिक बल के जवान मन ल नव साल के शुभकामना देवत कहिन के छत्तीसगढ़ राज्य म किसान मन अऊ जवान मन दुनों के जय-जयकार होवत हे। पाछू दू बछर सबो मनखे कोरोना संकट ले जूझत रहिन, मोला भरोसा हे के अवइया साल सबो बर आरोग्यता अऊ समृद्धि लेके आही। उमन कहिन के कड़ाके के ठंड म हमार जवान रातभर गश्त करथें, तब हम सब चैन के नींद सुत पाथन।
मुख्यमंत्री ह कहिन कि मोला संतोष हे कि नक्सल क्षेत्र म हमर पुलिस बेहतरीन काम करत हे। नक्सली समस्या केवल कानून-व्यवस्था के मामला नइ हे बल्कि ये राजनैतिक अऊ सामाजिक समस्या घलोक हे। हम नक्सली मन के मांद म जाके कैंप खोलत हन। अब नक्सली मन के हौसले पस्त होए लगे हे। अब उहां के वनवासी पुलिस ल अपन संगवारी माने लगे हें। पुलिस कैंप ले बाहिर निकलके मनखे मन ले घुलत-मिलत हे। गांव वाले मन के मदद करत हें। ते पाए के उहां नागरिक मन ल विश्वास होए लगे हे कि पुलिस उंखर सुरक्षा बर हे। बस्तर के अधिकांश हिस्सा नक्सली मन ले मुक् त हो गए हे। उहां सड़क, पुल, पुलिया अउ आन विकास काम होए ले मनखे मन ल आवागमन के घलोक सुविधा हो गए हे।
नक्सल क्षेत्र म मनखे मन ल भरोसा होइस के पुलिस उंखर संगवारी ये: श्री भूपेश बघेल
