रइपुर जिला के प्रभारी मंत्री श्री चौबे अउ स्वास्थ्य मंत्री श्री सिंहदेव ह कोरोना संक्रमण के रोकथाम बर लीन बइठका

रइपुर 3 अप्रैल 2021 शनिच्चर। रइपुर जिला के प्रभारी मंत्री श्री चौबे अउ स्वास्थ्य मंत्री श्री सिंहदेव ह आज इहां सिविल लाइन स्थित नवा सर्किट हाउस के सभाकक्ष म कोरोना संक्रमण के रोकथाम बर राज्य शासन के वरिष्ठ अधिकारी मन के बइठका करीन अउ स्वास्थ्य विभाग, जिला प्रशासन, पुलिस प्रशासन अउ आने संबंधित विभाग मन कोति ले करे जावत काम —काज मन के समीक्षा तको करीन।
स्वास्थ्य मंत्री श्री सिंहदेव ह कहीन कि पूरा देश के संगे —संग अपन प्रदेश म कोरोना संक्रमण के मामला बाढ़त हावय। विभाग ह पाछू बछर तको एमा काबू पाए के जम्मो उपाय करे रिहिने अउ सफल तको होय रिहिसे। अब फेर उहीच गाइडलाइन्स के कड़ई ले पालन करे के जरूरत हवय, विशेष करके रइपुर, दुरूग अउ बेमेतरा जिला म जिहां पॉजिटिव मरीज मन के संख्या बाढ़त हावय। एला रोके बर टेस्टिंग बढाए ,कान्टेक्ट ट्रेसिंग बढ़ाए के निर्देश देहे हे। संग म होम आइसोलेशन म राहत मरीजमन के समुचित मानिटरिंग करे जावय अउ समे म उन मन ल दवाई मिल जावय, येहू तको आवश्यक हे।
कृषि मंत्री अउ रायपुर जिला के प्रभारी मंत्री श्री रविंद्र चौबे ह सबो विभागीय अधिकारी मन ल कठिन परिस्थिति म समर्पित भाव ले काम करे खातिर सहिराइस ।उन मल कहीन कि परिस्थिति के अनुरूप जिला के कलेक्टर डीएमएफ अउ सीएसआर मद के राशि के उपयोग कर सकत हे। उन् मन कहीन कि कंटेनमेंट जोन म नियम मन के अधिक कड़ई ले पालन होवय अउ नियमित रूप ले पुलिस के पेट्रोलिंग होवय। बिना मास्क के सार्वजनिक जगा म अवइया लोगन मन ले चालान काटके फाइन वसूले जावय।
बइठका म होम आइसोलेशन के मॉनिटरिंग के व्यवस्था,मुख्यमंत्री डाहर ले कोरोना संक्रमण के प्रचार के रोकथाम बर परिस्थिति अनुरूप कलेक्टर ल लॉकडाउन के संबंध म निर्णय लेहे बर निर्देश, देहे गे हवय। मोबाइल मेडिकल यूनिट के माध्यम ले टीकाकरण ,टारगेट ग्रुप ल वैक्सीन लगाए, मानव संसाधन के समुचित व्यवस्था सुनिश्चित करे, रायपुर जिला म आने जिला के तको दबाव, भीड़भाड़ अउ बाजार ल कइसे नियंत्रित करे जावय, कोविड-एप्रोप्रियेट बिहेवियर, प्रशासन अउ पुलिस कोति ले सख्ती बउरे के जरूरत, एनजीओ के मदद ले बर, टेस्ट किट अउ टीका बर वैक्सीनेशन के उपलब्धता, ग्ंवई अंचल के स्थिति अस्पताल मन म आवश्यक व्यवस्था सुनिश्चित करे के संगे —संग आने महत्वपूर्ण विषय मन म चर्चा करत आवश्यक दिशा निर्देश देह गे हे।
रइपुर नगर निगम के महापौर श्री एजाज ढेबर ह टीकाकरण उपर जादा धियान देहे के आवश्यकता बताईन। बइठका म अपर मुख्य सचिव श्रीमती रेणु जी पिल्ले ह बताइन कि विभाग कोति ले कोरोना संक्रमण के रोकथाम बर पूरा प्रयास करे जावत हे। राष्ट्रीय स्वास्थ्य मिशन के संचालिका डॉ प्रियंका शुक्ला स्वास्थ्य ह प्रदेश के अस्पताल, कोविड केयर सेंटर मन म उपलब्ध बेड के जानकारी दीन।
बइठका म स्वास्थ्य विभाग के सचिव श्रीमती शहला निगार, विशेष सचिव डॉ. सी आर प्रसन्ना, संचालक स्वास्थ्य सेवाएं श्री नीरज बंसोड ह अपन-अपन वर्टीकल के काम —काज मन के जानकारी दीन।
कलेक्टर डॉ एस भारतीदासन ह जिला प्रशासन कोति ले करे जावत जम्मो गतिविधि मन के बारे म अवगत कराइन।
जिला पंचायत के मुख्य कार्यपालन अधिकारी डॉ. गौरव कुमार सिंह ह गांव अउ ग्रामीण मन के अद्यतन स्थिति ले अवगत कराइन।