रायपुर : रीपा म हजारो लोगन मन ल मिलत हे रोजगार

गढ़बो नवा छत्तीसगढ़ के सपना होवत हे साकार
संबलपुर गांव के रीपा म जैम-जैली, अचार, टेडी बियर अउ ब्लैक गार्लिक बनात हे महिला मन
रायपुर, 24 जून 2023
छत्तीसगढ़ सरकार के रूरल इंडस्ट्रियल पार्क (रीपा) योजना ले गांव म ग्रामीण मन ल रोजगार अउ स्व-रोजगार मिले लगे हे। गांव ल उत्पादन के केन्द्र अउ ग्रामीण मन ल आत्मनिर्भर बनाए के उद्देश्य ले सुरू करे गय ए यह योजना ह अब ग्रामीण परिदृश्य म एक सकारात्मक बदलाव लाए लगे हे। ग्रामीणजन रीपा के माध्यम ले अपन आर्थिक अउ सामाजिक स्थिति म बदलाव ब पूरा मनोयोग ले जुट गए हे।   
छत्तीसगढ़ सरकार के रीपा योजना वास्तव म सुराजी गांव योजना के तहत गांव मन म बने गौठान म संचालित आयमूलक गतिविधि के अभिसरण ए। गौठान म रीपा के माध्यम ले आयमूलक गतिविधि के संचालन ब शासन कती ले आधारभूत संरचना अउ संसाधन उपलब्ध कराए गए हे, जेकर से समूह के महिला अउ ग्रामीण मन ल स्व-रोजगार के गतिविधि के संचालन म मदद मिलत हे।
 मुंगेली जिला के ग्राम संबलपुर म संचालित ग्रामीण औद्योगिक पार्क म वर्तमान म 50 झन ले जादा मन ल रोजगार उपलब्ध होवत हे। उहां विभिन्न प्रकार के आयमूलक गतिविधि के संचालन अलग-अलग समूह ह करत हे । प्रत्येक समूह ल आजीविकामूलक गतिविधि के संचालन ब प्रशिक्षण घलो दिए गए हे। ग्राम संबलपुर के रीपा म स्व-सहायता समूह जैम-जैली, आचार, टेडी बियर, ब्लैक गार्लिक जईसे विभिन्न उत्पाद तियार करत हे।
आमा, लिम्बू अउ कटहर के अचार
          रीपा म कौशल माता स्व सहायता समूह कती ले बीते 25 मई ले आमा, कटहर अउ लिम्बु के अचार बनाय जाथ हे। समूह के 07 झन महिला अउ तीन झन पुरुष मन ह अभी तक 270 किलोग्राम अचार तियार कर डारे हे, जेकर पैकेजिंग करे के बाद म सी मार्ट के माध्यम ले बेचरी करे जाही। एकर बेचरी ले लगभग 11 हजार रूपिया के आमदनी होए के आश हे। अचार के गुणवत्ता के बिसेस धियान राखे जाथ हे।
ब्लैक गार्लिक के उत्पादन-सेहत ब लाभकारी
संबलपुर के रीपा म नवयुवक मंडल कौशल माता स्व सहायता समूह ह औषधीय गुण ले परिपूर्ण ब्लैक गार्लिक के उत्पादन करत हे। समूह ह लहसुन ल 15 दिन तक ले एक निश्चित ताप म मशीन म राख के ब्लैक गार्लिक तियार करत हे। जेकर बजार मूल्य लगभग 600 रूपिया किलो हे। औषधि गुण ले भरपूर ब्लैक गार्लिक सेहत ब अबड़ लाभदायक होथे। एकर सेवन ले शुगर, हृदयरोग, पाचन संबंधी रोग के नियंत्रण म मदद मिलथे। ब्लैक गार्लिक म एलिसिन पाए जाथे, जे खून ल पातर राखे अउ हार्ट ब्लाकेज ले बचाए म मदद करथे। ब्लैक गार्लिक तियार करे ब समूह के लोगन मन ल राष्ट्रीय स्तर के प्रशिक्षक द्वारा प्रशिक्षित करे गया हे। ब्लैक गार्लिक के उपयोग ले गोड पिरा (पैर-दर्द) म राहत मिलथे अउ रोग प्रतिरोधक क्षमता ह बाढ़थे।
दस दिन म 200 ले जादा टेडी बियर बनाइस
   संबलपुर के रीपा म जय शिवशक्ति समूह ह टेडी बियर अउ कुशन बनाए के बुता करत हे। समूह के मन मात्र 10 दिन म 200  ले जादा टेडी बियर बना डारे हे, जेमा से 80 टेडी बियर के बेचरी घलो हो गय हे अउ ओमा खरचा ल काट के लगभग 4 हजार रूपिया के आमदनी होइस हे। टेडी बियर बनाए ब समूह के महिला खबल 15 दिन के विधिवत प्रशिक्षण घलो दिए गय रहीस हे। जय मां दुर्गा स्वसहायता समूह कती ले रीपा म जैम, जैली, टोमैटो सॉस, एलोवीरा जैल, अर्क, फू्रट कैंडी, अनार मोलिसस, चिली सॉस, साबुन अउ शैम्पू के कच्चा पदार्थ, कटहर के बरी बनाए के संग म छीन बीज ले काफी पावडर घलो तियार करे जाथ हे, जे ह औषधीय गुण ले परिपूर्ण हे।
Success Stories
Neha Rathore