राज्यसभा के उपसभापति श्री हरिवंश होही मुख्य अतिथि, मुख्यमंत्री श्री विष्णु देव साय करहीं कार्यक्रम के अध्यक्षता
पुरखौती मुक्तांगन परिसर म 3 दिन तक चलही साहित्यिक चर्चा अउ गोष्ठी
पुस्तक मेला, ओपन टैलेंट मंच, पेंटिंग कार्यशाला के घलो होही आयोजन
रायपुर, रायपुर साहित्य उत्सव के भव्य शुभारंभ राजधानी रायपुर के पुरखौती मुक्तांगन परिसर म 23 जनवरी के राज्यसभा के उप सभापति श्री हरिवंश करहीं। कार्यक्रम के अध्यक्षता मुख्यमंत्री श्री विष्णु देव साय करहीं। शुभारंभ समारोह विनोद कुमार शुक्ल मंडप म बिहनिया 10.30 बजे ले होही। कार्यक्रम म अतिविशिष्ट अतिथि के रूप म छत्तीसगढ़ विधानसभा अध्यक्ष डॉ. रमन सिंह रइहीं। उपमुख्यमंत्री द्वय श्री अरूण साव अउ श्री विजय शर्मा अउ महात्मा गांधी अंतर्राष्ट्रीय हिन्दी विश्वविद्यालय वर्धा के कुलपति डॉ. कुमुद शर्मा अउ रंगकर्मी अउ अभिनेता श्री मनोज जोशी विशिष्ट अतिथि के रूप म शामिल होहीं।
रायपुर साहित्य महोत्सव म छत्तीसगढ़ अउ देश के माने-जाने साहित्यकार, पत्रकार, कवि हिस्सा लेहीं। साहित्य महोत्सव के दौरान राष्ट्रीय पुस्तक मेला, इंगेजमेंट जोन, ओपन टैलेंट मंच, पेंटिंग कार्यशाला अउ सांस्कृतिक प्रस्तुति होही। महोत्सव म अवइया मनखे मन के सुविधा बर फूड जोन घलो बनाए गे हे। मुख्य मंडप विनोद कुमार शुक्ल के स्मृति म तैयार करे गे हे, जिहां महत्वपूर्ण मंचीय कार्यक्रम आयोजित होही। एखर अलावा साहित्यिक परिचर्चा अउ गोष्ठी के आयोजन बर लाला जगदलपुरी मंडप, श्याम लाल चतुर्वेदी मंडप, अनिरूद्ध नीरव मंडप तैयार करे गे हे। साहित्य उत्सव म रोज चार सत्र के आयोजन होही। पहली सत्र 12.30 बजे ले, दूसर सत्र 2.15 बजे ले, तीसर सत्र 3.45 बजे ले अउ चौथा सत्र 5.15 बजे ले 6.30 बजे तक होही। 23 अउ 24 जनवरी के सांस्कृतिक कार्यक्रम के आयोजन घलो करे जाही।
23 जनवरी के पहली सत्र – लाला जगदलपुरी मंडप म समकालीन महिला लेखन, श्यामलाल चतुर्वेदी मंडप म संवाद वन्देमातरम के अंतर्गत भारत के स्व जागरण के प्रवाह, अनिरूद्ध नीरव मंडप म डिजिटल साहित्य उपर परिचर्चा के अंतर्गत प्रकाशक मन बर चुनौती विषय उपर परिचर्चा होही।
दूसर सत्र – लाला जगदलपुरी मंडप म वाचिक परम्परा म साहित्य, श्यामलाल चतुर्वेदी मंडप म कविता के नवा चाल उपर परिचर्चा, अनिरूद्ध नीरव मंडप म संवाद के आयोजन करे जाही। ए कार्यक्रम म राज्यसभा के उपसभापति श्री हरिवंश शामिल होही।
तीसर सत्र – लाला जगदलपुरी मंडप म काला पादरी म जनजाति विमर्श अउ श्यामलाल चतुर्वेदी मंडप म छत्तीसगढ़ के साहित्य अवदान विषय उपर परिचर्चा होही। अनिरूद्ध नीरव मंडप म स्मृति शेष स्व. विनोद कुमार शुक्ल साहित्य के खिड़कियां उपर परिचर्चा होही।
चौथा सत्र – लाला जगदलपुरी मंडप म पुरातत्व: मौन साहित्य उपर परिचर्चा अउ श्यामलाल चतुर्वेदी मंडप म समय के समस्या: सेक्युलरिज्म उपर संवाद होही। अनिरूद्ध नीरव मंडप म काव्य पाठ राष्ट्रीय कवि संगम के आयोजन होही। सांस्कृतिक संध्या के अंतर्गत विनोद कुमार शुक्ल मंडप म संझा 7 बजे ले मनोज जोशी के चाणक्य नाटक के मंचन होही।
24 जनवरी के पहली सत्र – विनोद कुमार शुक्ल मंडप म राष्ट्र सेवा के सौ बछर उपर संवाद अउ लाला जगदलपुरी मंडप म छत्तीसगढ़ के लोक गीत उपर परिचर्चा आयोजित होही।
दूसर सत्र – धार्मिक फिल्म अउ टेली धारावाहिक मन के दौर उपर संवाद अउ श्यामलाल चतुर्वेदी एकात्म मानवदर्शन समाज परिवर्तन के सूत्रधार उपर परिचर्चा होही।
तीसर सत्र – विनोद कुमार शुक्ल मंडप म भारत के बौद्धिक विमर्श उपर संवाद, लाला जगदलपुरी मंडप म राष्ट्रीय मीडिया म बहस के मुद्दा, श्यामलाल चतुर्वेदी मंडप म नई पीढ़ी के फिल्मी दुनिया अउ अनिरूद्ध नीरव मंडप म साहित्य: उपनिषद ले एआई तक उपर परिचर्चा होही।
चौथा सत्र – विनोद कुमार शुक्ल मंडप म भारतीय ज्ञान परंपरा उपर संवाद, लाला जगदलपुरी मंडप म ‘डिजिटल युग के लेखक अउ पाठक’ अउ श्यामलाल चतुर्वेदी मंडप म ‘साहित्य के झरोखा ले इतिहास’ उपर परिचर्चा होही।
पांचवा सत्र – विनोद कुमार शुक्ल मंडप म ‘माओवादी आतंक अउ लोकतंत्र’, लाला जगदलपुर मंडप म ‘डॉ. अंबेडकर – विचारपुंज के आभा’, श्यामलाल चतुर्वेदी मंडप म शैक्षणिक संस्थान मन म भाषा अउ साहित्य के स्तर अउ अनिरूद्ध नीरव मंडप म लुप्त होत बाल साहित्य उपर चर्चा होही। विनोद कुमार शुक्ल मंडप म सांस्कृतिक कार्यक्रम स्व. अटल बिहारी वाजपेयी जी के स्मृति म काव्य पाठ होही।
25 जनवरी के पहली सत्र – विनोद कुमार शुक्ल मंडप म संविधान अउ भारतीय मूल्य उपर संवाद, लाला जगदलपुरी मंडप म ट्रेवल ब्लॉग: पर्यटन के प्रेरक अउ श्यामलाल चतुर्वेदी मंडप म नवयुग म भारत बोध उपर परिचर्चा होही।
दूसर सत्र – लाला जगदलपुरी मंडप म पत्रकारिता अउ साहित्य उपर परिचर्चा, श्यामलाल चतुर्वेदी मंडप म नाट्यशास्त्र अउ कला परंपरा उपर संवाद करे जाही।
तीसर सत्र – विनोद कुमार शुक्ल मंडप म सिनेमा अउ समाज अउ लाला जगदलपुरी मंडप म शासन अउ साहित्य उपर परिचर्चा अउ श्यामलाल चतुर्वेदी मंडप म छत्तीसगढ़ी काव्य पाठ के आयोजन होही।
