विकसित भारत संकल्प यात्रा: गाँव-गाँव म हितग्राही मन लेवत हें केंद्र शासन के योजना मन के जानकारी

रायपुर, 21 जनवरी 2024। जिला म विकसित भारत संकल्प यात्रा सरलग चलत हे। आज अभनपुर के बेलर, भाठापारा, संकरी अऊ उल्बा गाँव म, आरंग के चिखली, मोहमेला, कुरूद, करमंदी, परसदा, सेमरिया, चपरीद अऊ भोथली गाँव म अउ तिल्दा के खपरीडीह खुर्द, जंजगीरा अऊ कोदवा गाँव म शिविर लगाके सरकार के कई ठन योजना मन के लाभार्थियों ल सामान वितरित करके केंद्र सरकार के योजना मन के जानकारी दे गीस।
जिला म अब तक 380 ले जादा ग्राम पंचायत म संकल्प यात्रा के तहत कार्यक्रम होए हे। विकसित भारत संकल्प यात्रा के तहत राष्ट्र के सशक्तिकरण के उद्देश्य ले केंद्र सरकार के कल्याणकारी योजना मन अऊ नीति मन के बारे म शिविर आयोजित करके नागरिक मन ल जागरूक करे जात हे जेखर से प्रमुख सरकारी योजना मन ल शत-प्रतिशत हितग्राही मन तक पंहुचाया जा सकय। वर्ष 2047 तक विकसित भारत बनाए के लक्ष्य के संग जिला के कोना-कोना म आयोजित करे जात ये शिविर मन के माध्यम ले न सिरिफ शासकीय विभाग मन के स्टाल्स लगाके जनकल्याणकारी योजना मन के प्रचार-प्रसार करे जात हे बल्कि उपस्थित जनसमूह से शपथ घलोक लेहे जात हे के वो विकसित भारत बनाए म अपन पूर्ण योगदान देंहीं अऊ 2047 तक भारत ल विकसित राष्ट्र बनाहीं।