सेवा संकल्प अभियान ले बदल गे असलम खान के जिनगी, पीएम आवास ले मिलिस पक्का मकान

CHHATTISGARHI NEWS: मोहला-मानपुर-अम्बागढ़ चौकी, जिला म चलाए जात ‘सेवा संकल्प अभियान’ ह गरीब अऊ जरूरतमंद मनखे मन के जिनगी ल बदले के काम करत हे। ए अभियान ले कई मनखे मन के जिनगी म बड़का बदलाव आए हे, जेन म मोहला-मानपुर-अम्बागढ़ चौकी जिले के ग्राम पंचायत मोहला के हितग्राही असलम खान के कहानी घलो ओइसनहे हे। असलम खान ह अड़बड़ लम्भा समय ले बेघर रिहिस अऊ वोकर जिनगी बिकट कठिनाई म बीतत रहिस। पक्का मकान नई होए के सेती वोला बरसात अऊ गरमी म अड़बड़ तकलीफ होत रहिस। फेर शासन के ‘प्रधानमंत्री आवास योजना’ के तहत जब असलम खान ल पक्का मकान मिलिस, त वोकर जिनगी के दुख दूर होगे।
प्रधानमंत्री आवास योजना के मदद ले अब असलम ल एक सुग्घर अऊ सुरक्षित पक्का घर मिल गे हे, जिहां ओ ह अपन परिवार के संग खुसहाली के जीवन बितावत हे। ए पक्का घर मिल जाए ले ओला सिरिफ छत भर नइ मिले हे, बल्कि ओला समाज म एक नवा सम्मान अऊ सरल जिनगी मिले हे। गरीब परिवार मन ल सुरक्षित आवास देहे के ए योजना ह असलम जइसन कई मनखे मन के जिनगी म उज्जर अंजोर लाये के काम करत हे।
राज्य शासन अऊ जिला प्रशासन के प्रयास ले चलत ए ‘सेवा संकल्प अभियान’ के जरिए सरकारी योजना मन के लाभ सीधा निचला स्तर के ग्राही मन तक पहुंचत हे। अस्लम खान ह अपन पक्का मकान पाके शासन-प्रशासन के प्रति धन्यवाद जताए हे। ए पहल बताथे के कइसे सही योजना ल सुग्घर अमलीजामा पहिराये ले गरीब मन के जिनगी म मूलभूत बदलाव आ सकथे। ए कहानी ह अउ दूसर गरीब मन बर घलो प्रेरणा बनगे हे, जेन मन अपन खुद के पक्का घर के सपना देखथें।