सेवा संकल्प अभियान ले चंपा बाई के रसोई होगे आसान, धुंगिया अऊ लकड़ी ले मिलिस छुटकारा

CHHATTISGARHI NEWS: सरगुजा , छत्तीसगढ़ सरकार कोति संचालित ‘सेवा संकल्प अभियान’ ह आम मनखे के जिनगी ला सुगम बनाए म महत्वपूर्ण भूमिका निभावत हे। सरगुजा जिले के अम्बिकापुर विकासखंड की ग्राम पंचायत सकोला निवासी चंपा बाई के जिनगी म घलो ए अभियान अऊ प्रधानमंत्री उज्ज्वला योजना ह एक बड़का बदलाव लाये हे। पहिली चंपा बाई ल चूलहा चौका बर लकड़ी बिने ल परत रहिस अऊ धुंगिया के करूवई झेले बर परत रहिस। लकड़ी ले चूलहा म खाना बनाए के सेती ओकर सेहत उपर घलो बुरा असर परत रहिस अऊ समय के भारी बर्बादी होत रहिस। फेर शासन के उज्ज्वला योजना के तहत गैस सिलेंडर मिल जाए ले ओकर रसोई के पूरा हाल बदल गे हे।
अब चंपा बाई बिना धुंगिया के आसानी से गैस चूल्हा म खाना चुरोवत हे। ए बदलाव ले न सिरिफ ओकर समय बाँचत हे, बल्कि ओला स्वास्थ्य संबंधी समस्या मन ले घलो बड़ राहत मिले हे। लकड़ी के धुंगिया म आंखी अऊ फेफड़ा के बीमारी के जे जोखिम रहितिस, ओकरसे अब मुक्ति मिल गे हे। चंपा बाई बताथे के गैस कनेक्शन मिल जाए ले ओकर गृहस्थी के काम बहुत सरल होगे हे अऊ ओ अपन परिवार ला सुग्घर जेवन दे पात हे।
शासन के ए कल्याणकारी पहल मन गरीब परिवार मन के जिनगी ल संवारे म कारगर साबित होत हे। सेवा संकल्प अभियान के माध्यम से ए प्रकार के जरूरी योजना मन के लाभ धरातल पर लोगन तक पहुंचत हे, जेकर से आम नागरिक मन के जीवन स्तर ऊंचा उठत हे। चंपा बाई जइसन हजारों महिला मन के जिनगी म आये ए अंजोर शासन के जनहितैषी सोच अऊ संवेदनशीलता ल स्पष्ट रूप से उजागर करत हे। ए योजना ह महिला मन के जीवन ला आसान बनावत वास्तविक सशक्तिकरण के गोठ ल सिद्ध करत हे।