रायपुर 3 अगस्त 2024, मुख्यमंत्री श्री विष्णु देव साय ह प्रधानमंत्री श्री नरेन्द्र मोदी के संग रायपुर ले रांची नेशनल हाईस्पीड कारीडोर प्रोजेक्ट अंतर्गत पत्थलगांव, जशपुर (छत्तीसगढ़) ले गुमला (झारखंड) तक बर हाई-स्पीड फोरलेन रोड के स्वीकृति देहे म प्रधानमंत्री श्री मोदी जी ल धन्यवाद देवत कहिन के ये महत्वपूर्ण सड़क परियोजना दुनों राज्य छत्तीसगढ़ अउ झारखंड के विकास म मील के पत्थर साबित होही।
मुख्यमंत्री श्री विष्णुदेव साय ह प्रदेशवासी मन के संग जशपुर निवासी मन ल ए हाई-स्पीड फोरलेन रोड परियोजना के स्वीकृति के विशेष रूप ले बधाई देवत कहिन कि पत्थलगांव ले गुमला तक फोरलेन सड़क के निर्माण ले रायपुर अऊ रांची के बीच यात्रा सुगम होए के संगें-संग यात्रा म समय के घलोक बचत होही। सड़क परियोजना पूरा होए ले दुनो राज्य मन म विकास काम मन के गति म घलोक तेजी आही।
जानबा हे कि प्रधानमंत्री श्री नरेन्द्र मोदी ह केंद्रीय कैबिनेट म 50 हजार 655 करोड़ रूपिया लागत अऊ लगभग 936 किलोमीटर लंबाई के आठ राष्ट्रीय हाई-स्पीड रोड परियोजना मन के स्वीकृति देहे के जानकारी ट्वीटर म साझा करे हें। उमन कहे हें कि ए परियोजना मन के पूरा होए ले आर्थिक उन्नति के संगें-संग देश म रोजगार के अवसर घलोक बाढ़ही।
