टाउन हॉल म छायाचित्र प्रदर्शनी: आजादी के इतिहास, विकास यात्रा अउ एआई तकनीक ल देखे बर उमड़िस भीड़

रायपुर, राजधानी रायपुर के कचहरी चौक स्थित ऐतिहासिक टाउन हॉल म जनसंपर्क विभाग कोति ले आयोजित सात दिन के छायाचित्र प्रदर्शनी ल देखे बर मनखे मन अउ लइका मन के भारी भीड़ उमड़त हे। ए प्रदर्शनी म छत्तीसगढ़ के स्वतंत्रता संग्राम सेनानी मन के योगदान, राष्ट्रगीत ‘वंदे मातरम्’ के 150 बछर के गौरवगाथा अउ राज्‍य के विकास यात्रा ल छायाचित्र के माध्यम ले बढ़िया ढंग ले देखाय गे हे।
प्रदर्शनी म एआई तकनीक के उपयोग ले आबंटित पर्यटन स्थल मन के संग डिजिटल फोटो खिंचवाए के सुविधा अउ छत्तीसगढ़ ज्ञान क्विज लइका मन अउ जवान मन बर खास आकर्षण बने हे। एकर संगेच महतारी वंदन, कृषक उन्नति, पीएम आवास योजना अउ सुशासन तिहार जइसे जनकल्याणकारी योजना मन के उपलब्धि अउ वृत्तचित्र घलो प्रदरसित करे गे हे।
विद्यार्थी अउ शिक्षक मन ह ए आयोजन ल ज्ञानवर्धक अउ प्रेरणादायी बताइन। टाउन हॉल म चलइया ए सात दिन के प्रदर्शनी ह 21 अगस्त 2026 तक रोजेच बिहिनिया 10:30 ले रात 8 बजे तक आम नागरिक मन बर खुले रहिही।