रायपुर, रायपुर उत्तर विधानसभा म मुख्यमंत्री के जनता संग भेंट-मुलाकात म मुख्यमंत्री ले बात करत मल्लिका कर्मकार ह बताइस कि मोर परिवार म 4 सदस्य हे, परिवार के सबो सदस्य मन ल बहुत राशन मिलत हे। नमक, शक्कर, चावल मिलत हे, माटी तेल महंगा होए के सेती नइ लेवंन। ये बात म मुख्यमंत्री ह कहिन कि सबो परिवार बर राशन के व्यस्वथा करे गए हे।
अइसनहे रायपुर के नरेंद्र ह बताइस कि मितान योजना के अंतर्गत 20 दिन के भीतर वोकर बेटा के जन्म प्रमाण पत्र बन गे। नरेंद्र ह बताइस कि ये योजना बढि़या हे। उहें पंडरी के ममता ह बताइस कि 15 दिन के अंदर बेटा के आधार कार्ड बन गे, एखर बर मोला घेरी-बेरी ऑफिस जाना घलोक नइ परिस। ममता ह मितान योजना बर मुख्यमंत्री ल धन्यवाद दीस।
मुख्यमंत्री ह शहरी स्लम स्वास्थ्य के संबंध म जनता मन ले पूछिन त रायपुर के अन्नपूर्णा चंद्राकर ह बताइस कि शहरी स्लम स्वास्थ्य योजना के अंतर्गत डॉक्टर फोकट म इलाज करत हे अऊ सबो दवइ बिना पईसा के देहे जाथे।
