रायपुर, 31 अक्टूबर 2020। एक नवंबर छत्तीसगढ़ राज्य स्थापना दिवस के दिन प्रदेशवासी मन ल कई सौगात के संग यादगार बनाय जावत हे। मुख्यमंत्री भूपेश बघेल के पहल ले राजधानी रायपुर ऐतिहासिक बूढ़ा तालाब ल न सिर्फ नवा पहिचान मिले बर जावत हे अपितु लोगन मन ल पर्यटन अउ रोमांच के संग मनोरंजन के वो आनंद मिलही जेहा ये समय सुकून के कुछ पल होही। मुख्यमंत्री बघेल द्वारा शहर के मध्य स्थित स्वामी विवेकानंद सरोवर बूढ़ा तालाब ल विकसित करे के संग आम लोगन ल मनोरंजन अउ पर्यटन के सुविधा उपलब्ध कराय म विशेष पहल करे गेहे। देश के सबले बड़का फाऊंटेन के संग लेजर शो, रंगबिरंगी जगमगात लाइट, म्यूजिकल फाउंटेन अउ टनल फाउंटेन अउ विशाल प्रवेश द्वार के संग इहा के भव्य स्वरूप सबो बर आकर्षण के केंद्र बनही।
