सबो सूक्ष्म , लघु अउ मध्यम उद्योग (MSMEs) , उद्यमी अऊ startups ले केंद्र सरकार के RAMP योजना के अंतर्गत छत्तीसगढ़ म जारी सर्वेक्षण म भाग लेहे के अपील
छत्तीसगढ़ राज्य औद्योगिक विकास निगम (CSIDC) (वाणिज्य अउ उद्योग विभाग के प्रशासनिक नियंत्रण म छत्तीसगढ़ सरकार के उपक्रम ) अउ EY LLP कोति ले अधिकृत सर्वेक्षण एजेंसी CGS Raipur ह, विश्व बैंक अऊ केंद्रीय सूक्ष्म, लघु अऊ मध्यम उद्यम मंत्रालय, भारत सरकार कोति ले संचालित Raising and Accelerating MSME Performance (RAMP) कार्यक्रम के तहत ये सर्वेक्षण करइया हे।
ये RAMP सर्वेक्षण के उद्देश्य छत्तीसगढ़ राज्य म सूक्ष्म , लघु अउ मध्यम उद्योग (MSMEs) अऊ उद्यमी मन के चुनौती, जरूरत अऊ आकांक्षा मन के आकलन करना अउ ऊंखर विकास ल बढ़ाय बर एक रणनीतिक निवेश योजना (SIP) विकसित करना हे। रणनीतिक निवेश योजना बेहतर सहयोग , समन्वय अऊ जागरूकता के माध्यम ले सूक्ष्म, लघु अऊ मध्यम उद्योग मन के बेहतर विकास बर एक दीर्घकालिक रोडमैप हे, जेन ल राज्य मन ल तैयार करना जरूरी हे जेखर से राज्य म MSMEs के तीव्र अऊ बेहतर समावेशी विकास सुनिश्चित हो सकय।
सबो MSMEs , उद्यमी अऊ startups ल ए सर्वेक्षण म भाग लेहे बर आवाहन हे अऊ सबो सरकारी अऊ गैर सरकारी / गैर लाभकारी संस्थान (NGOs / CSOs) , जनप्रतिनिधि , मीडिया अऊ राज्य के प्रतिष्ठित मनखे संग कई ठन उद्योग संघ अऊ संस्था मन ले अपन क्षेत्र के सम्बंधित उद्यमी अऊ उद्योग ल ए संबंध म जागरूक करे अऊ सर्वेक्षण म सामिल होए बर प्रोत्साहित करे के अपील हे।
ए सर्वेक्षण म ग्रामीण , कृषि अऊ वन आधारित गतिविधि, ऑटोमोटिव अऊ ऑटोमोबाइल , रासायनिक पदार्थ, निर्माण, खाद्य प्रसंस्करण, आईटी अऊ आईटीएस, लॉजिस्टिक्स (परिवहन, गोदाम, कूरियर), मशीनरी अऊ उपकरण, धातु अऊ फेब्रिकेटेड मेटल्स, गैर-धातु मिनरल उत्पाद, कागज अऊ कागज संबंधित उत्पाद, फार्मास्यूटिकल्स, मेडिकल डिवाइसेस, छपाई, रबर अऊ प्लास्टिक उत्पाद, वस्त्र, पर्यटन अऊ आतिथ्य, लकड़ी अऊ संबंधित उत्पाद (जैसे कि फर्नीचर) संग आन व्यवसाय ले सम्बंधित सबो सूक्ष्म, लघु अउर मध्यम (MSMEs), उद्यमी, व्यवसायी अऊ स्टार्टअप्स सामिल हो सकत हें।
जानबा हे कि सूक्ष्म, लघु अऊ मध्यम उद्यम विकास अधिनियम, 2006 के एकदम नवा संशोधन (दिनांक 01/06/2020) के अनुसार 50 करोड़ तक निवेश के सबसे अधिक सीमा अऊ 250 करोड़ तक टर्नओवर के सबसे अधिक सीमा तक के सबो उद्योग सूक्ष्म, लघु अऊ मध्यम उद्यम के श्रेणी म सामिल हे अऊ निचे देहे गए कड़ी के माध्यम से ए ऑनलाइन सर्वेक्षण म भाग ले सकत हव।
🔗 सर्वेक्षण संकली: https://cgsraipur.in/RAMP%20Survey%20in%20Chhattisgarh%20for%20MSMEs.html
