गाज मंदिर के छत ल भेदत हुए युवक मन तक पहुंचिस, 1 के मउत, 5 गंभीर रूप ले घायल

जांजगीर, 10 जुलाई 2020। जिला के अकलतरा म गुरुवार मंझनिया गाज गिरे ले 1 युवक के मउत होगे, जबकी 5 लोगन मन गंभीर रूप ले घायल होगे हे। सबो ल उपचार बर अस्पताल ले गे हे। घटना मुलमुला थाना के ग्राम नरियरा के हे। मिले जानकारी के अनुसार घटना मुलमुला थानांतर्गत ग्राम पंचायत नरियरा म सागर पारा म पूर्व सरपंच सुखसागर सोनवानी के घर के आगु शिव मंदिर के तिर के हे। इहां 6 युवक बारिश ले बचे बर रुके रिहिस। इही बेरा गाज गिरगे। जेखर ले मउका म एक युवक शनि टंडन पिता लक्ष्मण टण्डन के मउत होगे। उहँचे बाकी अन्य 5 युवक घायल होगे। सूचना मिले म मुलमुला थाना प्रभारी के पी टंडन दलबल के संग पहुँचीस। घायल म नवीन पाटले , छोटा पाटले, बबलू पाटले, भूपेंद्र भारते, कामेश्वर पाटले एक छोटे बच्चा 9-10 के नाबालिग घलो शामिल हे। मिले जानकारी के अनुसार ये सबो युवक बारिश ले बचे बर मंदिर के अंदर म रिहिस। गाज मंदिर के छत ल भेदत हुए युवक मन तक पहुंचिस। जिहां ये सबो मन हादसा के शिकार होगे।