राजभवन के स्वागत समारोह म सामिल होइन जनप्रतिनिधि अउर गणमान्य नागरिक

रायपुर, 26 जनवरी 2020। गणतंत्र दिवस के अवसर म आज संझा इहां राजभवन म स्वागत समारोह के आयोजन करे गीस। समारोह म प्रदेश के कई क्षेत्र के हस्ती मन संघरिन। राज्यपाल सुश्री अनुसुईया उइके ल मुख्यमंत्री श्री भूपेश बघेल ह पुष्पगुच्छ भेंट करके गणतंत्र दिवस के हार्दिक बधाई अऊ शुभकामना दीन। समारोह म राष्ट्रीय जनजाति आयोग के अध्यक्ष श्री नंदकुमार साय, विधानसभा म प्रतिपक्ष के नेता श्री धरमलाल कौशिक, सांसद श्री सुनील सोनी, पूर्व विधानसभा अध्यक्ष श्री गौरीशंकर अग्रवाल, पूर्व सांसद श्री चन्द्रशेखर साहू, श्री विक्रम उसेंडी, श्री सोहन पोटाई, पूर्व मंत्री अउर विधायक श्री बृजमोहन अग्रवाल, श्रीमती गंगा पोटाई संग बहुत अकन जनप्रतिनिधि अऊ वरिष्ठ अधिकारी मन ह राज्यपाल ल पुष्पगुच्छ भेंटकर गणतंत्र दिवस के बधाई अउर शुभकामना दीन। राजभवन के स्वागत समारोह म पहली पइत खिलाड़ी मन, साहित्यकार मन अऊ आदिवासी समाज के प्रतिनिधि मन घलोक सामिल होइन।