रायपुर, 28 अक्टूबर 2020। छत्तीसगढ़ शासन के राजस्व विभाग के अंतर्गत बिलासपुर म राजस्व मण्डल के निर्माणाधीन भवन के आज संभागायुक्त डॉ.संजय अलंग ह जांच करिन अऊ लोक निर्माण विभाग के अधिकारी मन ल जरूरी दिशा-निर्देश दीन।
बिलासपुर म जुन्ना राजस्व मण्डल कार्यालय के भवन के तीरेच म 6 करोड़ 11 लाख के लागत ले नवा भवन के निर्माण होए हे। संभागायुक्त ह पूरा भवन के विस्तृत मुआयना करिन। इहां बनाए गए तीन कोर्ट रूम, रिकार्ड रूम अऊ आन जगा मन के जायजा लीन। कुर्सी, टेबल अऊ आन व्यवस्था मन के संबंध म जानकारी लीन। उमन दिव्यांग मनखे मन के सुविधा के दृष्टि ले भवन म निर्माण काम करे ल घलव कहिन।