राजस्व मंत्री श्री अग्रवाल ७ जून को रायपुर संभाग के राजस्व अधिकारी मन के लेहीं समीक्षा बैठक

रायपुर, छत्तीसगढ़ के राजस्व अउ आपदा प्रबंधन मंत्री श्री जयसिंह अग्रवाल 7 जून के दिन रायपुर संभाग के राजस्व अधिकारी मन के बैठक लेके विभागीय योजना मन के प्रगति के समीक्षा करहीं। ये बैठक रायपुर जिला कलेक्टोरेट परिसर स्थित रेडक्रॉस सभाकक्ष म मंझनिया 11 बजे ले आयोजित होही। संभाग स्तरीय ए बैठक म संभाग के सबो जिला कलेक्टर मन संग सबो राजस्व अधिकारी मन यथा अपर कलेक्टर, अनुविभागीय अधिकारी राजस्व, तहसीलदार, नायब तहसीलदार के राजस्व गतिविधि-विषय मन के समीक्षा होही। संगें मां मुख्य रूप ले नामांतरण, बंटवारा, सीमांकन, भुईया कार्यक्रम, डायवर्सन, भू-अर्जन, ई-कोर्ट, कई ठन मद मन के राजस्व वसूली, न्यायालयीन प्रकरण मन के निराकरण के स्थिति आन विषय मन के समीक्षा करे जाही।