रायपुर, 12 जनवरी 2021। राज्यपाल सुश्री अनुसुईया उइके ह आज स्वामी विवेकानंद जी के जयंती के अवसर म छत्तीसगढ़ विधानसभा परिसर म स्थित स्वामी विवेकानंद जी के प्रतिमा म पुष्प अर्पित करिन। ये बेरा म विधानसभा अध्यक्ष श्री चरणदास महंत, कृषि मंत्री श्री रविन्द्र चौबे, वरिष्ठ विधायक श्री सत्यनारायण शर्मा अऊ सांसद श्रीमती ज्योत्सना महंत उपस्थित रहिन। राज्यपाल ह कहिन के आज स्वामी विवेकानंद के जयंती हे। ये बेरा म ओ मन ल मैं नमन करत हंव। स्वामी विवेकानंद ह पूरा देश ल ये संदेश देहे रहिन के देश के युवा पीढ़ी ही ह देश ल शक्तिशाली बना सकत हे। ओ मन युवा मन ले कहत रहिन के उठव, जागव तब तक झन थिरावव जब तक बीरो झन छू लव। आज हमार युवा साथी रूवामी विवेकानंद ल प्रेरणास्त्रोत मानके राष्ट्र सेवा म लगे हें।
राज्यपाल ह विधानसभा के भ्रमण करिन। उमन सेंट्रल हॉल के आगू पूर्व राष्ट्रपति श्रीमती प्रतिभा पाटिल के रोपे कदम्ब के पेड़ के अवलोकन करिन। ये बेरा म विधानसभा अध्यक्ष श्री महंत ह राज्यपाल ल शाल अऊ स्मृति चिन्ह देके सम्मानित करिन। ये कार्यक्रम म विधायक श्री कुलदीप जुनेजा, पूर्व विधायक गुरूमुख सिंह होरा, रायपुर विकास प्राधिकरण के अध्यक्ष श्री सुभाष धुप्पड़, विधानसभा के प्रमुख सचिव श्री चंद्रशेखर गंगराड़े उपस्थित रहिन।
राज्यपाल ह विधानसभा परिसर म स्थित स्वामी विवेकानंद के मूर्ति म चढ़ाईन फूल
