रायपुर, मुख्यमंत्री श्री भूपेश बघेल के अध्यक्षता म राजीव युवा मितान क्लब के शासी निकाय के गठन करे गए हे। जानबा हे कि छत्तीसगढ़ म, 15 ले 40 साल उम्मर के युवा मन बर राजीव युवा मितान क्लब योजना शुरू करे गए हे, जेखर तहत युवा मितान क्लब बनाये गए हे। युवा मितान क्लब के माध्यम ले पर्यावरण, खेल अऊ संस्कृति के संरक्षण ल बढ़ावा देहे जात हे। राज्य के सबो ग्राम पंचायत अउ नगरीय निकाय मन म युवा मितान क्लब गठित करे जात हे।
राज्य शासन खेल अउ युवा कल्याण विभाग मंत्रालय महानदी भवन, नवा रायपुर कोति ले आदेश जारी करके राजीव युवा मितान क्लब के शासी निकाय के गठन करे गए हे। शासी निकाय के अध्यक्ष मुख्यमंत्री श्री भूपेश बघेल, उपाध्यक्ष खेल अउ युवा कल्याण मंत्री श्री उमेश पटेल ल बनाय गए हे। पंचायत अउ ग्रामीण विकास मंत्री श्री टी.एस. सिंहदेव, नगरीय प्रशासन अउ विकास मंत्री डॉ. शिवकुमार डहरिया, लोकसभा सांसद श्री दीपक बैज, राज्यसभा सांसद श्रीमती छाया वर्मा, विधायक श्री देवेन्द्र यादव, विधायक श्री विनय भगत, मुख्य सचिव श्री अमिताभ जैन अऊ अपर मुख्य सचिव श्री सुब्रत साहू ल सदस्य अऊ खेल अउ युवा कल्याण विभाग के सचिव ल पदेन सदस्य सचिव बनाय गए हे।
मुख्यमंत्री श्री भूपेश बघेल के अध्यक्षता म राजीव युवा मितान क्लब के शासी निकाय के करे गीस गठन
