रायगढ़, पॉवर ट्रेडिंग कॉर्पोरेशन के प्रमुख समूह सलाहकार अखौरी राजेश सिन्हा ल जिंदल स्टील एंड पॉवर लिमिटेड के सहायक कंपनी जिंदल पॉवर लिमिटेड के चेयरमैन नियुक्त करे गए हे। श्री सिन्हा एक पूर्व बैंकर यें अऊ उमन भारत अऊ विदेश मन म कई बैंक मन के संग बड़का पद मन म काम करे हें।
अखौरी राजेश सिन्हा भारतीय स्टेट बैंक म महत्वपूर्ण पद मन म 22 बछर तक जुड़े रहिन। 5 बछर तक उमन आईडीबीआई बैंक म अपन सेवा दीन। 11 बछर तक उमन रॉयल बैंक ऑफ कनाडा के प्रबंध निदेशक अऊ कंट्री हेड के पद म काम करिन। श्री सिन्हा ह साइंस अऊ बिजनेस एडमिनिस्ट्रेशन म स्नातकोत्तर के संगेच एलएलबी के घलोक शिक्षा हासिल करे हें। संगेच ओ मन भारतीय बैंकिंग संस्थान के प्रमाणित एसोसिएट घलोक हें। ओ मन जिंदल स्टील एंड पॉवर लिमिटेड के मुख्य वित्तीय सलाहकार के रूप म घलोक कार्यरत हें।
ये बेरा म अपन वक्तव्य म श्री सिन्हा ह कहिन कि ’भारत म अपन स्वदेशी कच्चा माल के संसाधन मन के संग पॉवर सरप्लस देश बने के पूरा क्षमता हे। हमला पूरा भरोसा हे कि 3400 मेगावाट क्षमता वाले जिंदल पॉवर लिमिटेड भारत सरकार के सबो बर सस्ता बिजली के लक्ष्य ल प्राप्त करे म महत्वपूर्ण भूमिका के निर्वहन करही।’ इहां ये बताना जरूरी हे कि जिंदल स्टील एंड पॉवर लिमिटेड के सहायक कंपनी जिंदल पॉवर लिमिटेड देश म ऊर्जा क्षेत्र के प्रमुख कंपनी हे अऊ ताप, जल अऊ नवीकरणीय ऊर्जा के क्षेत्र म कंपनी अहम भूमिका निभावत हे। देश म बिजली के बाढ़त जरूरत मन ल पूरा करे म कंपनी अपन पूरा योगदान देवत हे।
