जन-चौपाल भेंट-मुलाकात म मुख्यमंत्री ह स्वीकृत करिन राशि, आगू घलोक मदद के देहे आश्वासन
मुख्यमंत्री श्री भूपेश बघेल ह आज जन-चौपाल भेंट-मुलाकात म कबीरधाम जिला के पंडरिया विकासखंड के ग्राम कुण्डा के श्री राजेश मरार बर 50 हजार रूपिया के सहायता राशि स्वीकृत करिन। करेंट लगे के सेती इलाज के समय डॉक्टर मन ल ऊंखर दुनों हाथ अऊ डेरी पैर काटे पर गए रहिस। शारीरिक रूप ले गंभीर अक्षमता के सेती ओला जीवन-यापन म कठिनाई होवत हे।
मुख्यमंत्री के रायपुर स्थित शासकीय निवास म आज जन-चौपाल भेंट-मुलाकात म राजेश ह मुख्यमंत्री श्री भूपेश बघेल ले मुलाकात करके अपन परेशानी बताईस। मुख्यमंत्री ह वोखर परेशानी ल देखत तुरंते 50 हजार रूपिया के आर्थिक सहायता स्वीकृत करिन। श्री बघेल ह आगू घलोक उंखर मदद करे के आश्वासन दीन। 25 वर्षीय राजेश पाछू साल 11 सितमबर 2018 के दिन काम के समय खंबा म करेंट आए ले चिपक गए रहिस। मजदूरी करके जीवन-यापन करइया राजेश ये हादसा के बाद ले शत-प्रतिशत दिव्यांग हो गए हे।
इस समाचार को आप हिन्दी में इस कड़ी से पढ़ सकते हैं.