महासमुंद : महामंडलेश्वर श्री राजेश्री महन्त ह ग्राम जोगीदादर म गौशाला के करिन निरीक्षण

महासमुंद, महामंडलेश्वर श्री राजेश्री महन्त रामसुन्दर दास जी महाराज अध्यक्ष छत्तीसगढ़ राज्य गौ सेवा आयोग ह जगन्नाथपुरी प्रवास के समय जिला महासमुंद ले गुजरत पिथौरा ब्लाक के अंतर्गत स्थित ग्राम जोगीदादर म संचालित गौशाला के निरीक्षण करिन। जानबा हे के राजेश्री महन्त जी महाराज तीन दिन के उड़ीसा प्रवास म हे।
गौशाला समिति के सदस्य मन ह बड़ आत्मीयता ले उंखर हरिनाम संकीर्तन के संग स्वागत करिन। उमन गौ माता मन के उचित रखरखाव, पालन-पोषण अऊ ऊंखर स्वास्थ्य ले संबंधित जानकारी लीन। गौशाला संचालक मन ले पूछिन कि डॉक्टर इहां गौ माता मन के स्वास्थ्य परीक्षण बर आथें या नहीं? उमन बताइन कि ओ आत रहिथें विशेष अनुरोध म घलोक उपस्थित होथें, जरूरत मुताबिक उपचार करथें। सबो गौ माता मन के वैक्सीनेशन के बारे म घलोक उमन जानकारी लीन। राजेश्री महन्त जी महाराज ह कहिन कि गौ माता के सेवा हम सबो ल मन लगाके करना चाही।