मुख्यमंत्री श्री भूपेश बघेल राजिम भक्तिन माता जयंती महोत्सव म सामिल होइन

रायपुर, मुख्यमंत्री श्री भूपेश बघेल आज त्रिवेणी संगम राजिम म आयोजित राजिम भक्तिन माता जयंती समारोह म बतौर मुख्य अतिथि सामिल होइन। ये बेरा म मुख्यमंत्री ह समाज के पदाधिकारी अउ प्रतिनिधि मन के संग श्री राजीव लोचन मंदिर परिसर म विराजित राजिम भक्तिन माता के महाआरती अउ पूजा अर्चना करके राज्य अऊ समाज के खुशहाली के कामना करिन। ये बेरा म गृह मंत्री श्री ताम्रध्वज साहू, खाद्य मंत्री श्री अमरजीत भगत, विधायक श्री धनेंद्र साहू, अमितेष शुक्ल अउर संसदीय सचिव सुश्री शंकुतला साहू मौजूद रहिन।
ये बेरा म राजिम भक्तिन माता के शहर म शोभा यात्रा निकाले गीस। समारोह म संसदीय सचिव सुश्री शकुंतला साहू, महासमुंद सांसद श्री चुन्नी लाल साहू, अभनपुर विधायक श्री धनेद्र साहू, विधायक राजिम श्री अमितेश शुक्ल, पूर्व सांसद चंदू लाल साहू, प्रदेश साहू संघ के भुनेश्वर साहू, छत्तीसगढ़ राज्य दुग्ध महासंघ के अध्यक्ष श्री विपिन साहू, तेलघानी विकास बोर्ड के अध्यक्ष संदीप साहू, साहू समाज के पदाधिकारी टहल राम साहू ,डॉ ममता साहू, मोती लाल साहू, संग साहू समाज के पदाधिकारी प्रतिनिधि, सदस्य अऊ बड़ी संख्या म स्वजातीय बन्धु मौजूद रहिन।