रायपुर, 24 फरवरी 2024। देश दुनिया म अपन अलग पहिचान बनइया राजिम कुंभ कल्प ए साल आज माघपूर्णिमा ले 8 मार्च महाशिवरात्रि तक आयोजित होही। राज्य शासन ह एला राजिम कुंभ कल्प के नाम देहे हे। ए साल राजिम कुंभ कल्प ल रामोत्सव के रूप म मनाया जाही। एखर बर राजिम त्रिवेणी संगम म भव्य तैयारी होए हे। राजिम कुंभ कल्प के तैयारी ल लेके धार्मिक न्यास अउ धर्मस्व मंत्री श्री बृजमोहन अग्रवाल ह बिरसपत के मेला स्थल के निरीक्षण करिन। उमन मेला स्थल म मुख्य मंच, स्थानीय कलाकार मन के प्रस्तुति बर सहायक सांस्कृतिक मंच, गंगा स्नान स्थल, साधु संत मन के निवास, पेयजल, शौचालय, कुलेश्वर महादेव मार्ग अउ लोमश ऋषि आश्रम तक जाके मेला के संबंध म करे गए जरूरी व्यवस्था मन के जायजा लीन। संगेच मेला स्थल म सबो जरूरी तैयारी ल लउहे पूरा करे के निर्देश दीन। ए बेरा म राजिम विधायक श्री रोहित साहू, कलेक्टर श्री दीपक अग्रवाल, एसएसपी श्री अमित तुकाराम कांबले संग गरियाबंद, रायपुर अऊ धमतरी जिला के अधिकारीगण अउ स्थानीय जनप्रतिनिधिगण मौजूद रहिन।
रायपुर : राजिम कुंभ कल्प के आयोजन आज ले 8 मार्च तक
