रायपुर, राजिम कुंभ कल्प 2024 मेला म मनखे मन ल शासकीय योजना मन के जानकारी देहे बर जनसंपर्क विभाग ह प्रदर्शनी लगाए हे। प्रदर्शनी ले मेला अवइया मन ल एके जगा म कई ठन योजना मन के जानकारी सरल अऊ सुलभ तरीका ले मिलत हे। प्रदर्शनी ल मोदी के गारंटी अऊ विष्णु के सुशासन थीम उपर आकर्षक रूप ले सजाए गए हे। मेला अवइया मनखे मन ल प्रदर्शनी डोम म कई ठन योजना मन के जानकारी एलईडी म देखाए जात हे हे। एलईडी डिस्प्ले ले वीडियो के माध्यम ले योजना मन के बारे म बताए जात हे। जनसंपर्क विभाग के प्रदर्शनी स्थल म प्रधानमंत्री श्री मोदी अऊ मुख्यमंत्री श्री साय के छायाचित्र के संग फोटो खींचाके तुरंते निशुल्क मोबाइल म प्राप्त करे के घलोक सुविधा हे। मनखे बड़ संख्या म आके योजना मन के जानकारी लेहे के संग पीएम अऊ सीएम के संग फोटो खिंचवावत हें। मेला अवया प्रदर्शनी स्थल म शासन के 18 लाख परिवार के घर स्वीकृति, महतारी वंदन योजना के तहत विवाहित महिला मन ल हर महीना 1000 रुपए के सहायता, रामलला दर्शन योजना, तेंदूपत्ता के खरीदी दर 4 हजार रु. ले बढ़ाकर 5500 रु. प्रति मानक बोरा, 50 लाख ले जादा नल जल कनेक्शन, युवा शक्ति ल शासन से पुलिस भर्ती म देहे गे आयु सीमा म छूट अउ सीजीपीएससी म अनियमितता मन के संबंध म सीबीआई जांच के निर्णय आदि के बारे म विस्तृत जानकारी प्राप्त करत हें।
राजिम कुंभ कल्प 2024: जनसंपर्क विभाग के प्रदर्शनी ले मेला अवइया मन ल मिलत हे शासकीय योजना मन के जानकारी
