धर्मस्व मंत्री श्री अग्रवाल ह रतिहा राजिम कुंभ मेला के करिन उदुपहा जांच

रायपुर, 04 मार्च 2024। धर्मस्व, पर्यटन अउ संस्कृति मंत्री श्री बृजमोहन अग्रवाल ह इतवार के देर रात्रि राजिम कुंभ मेला स्थल के उदुपहा जांच करिन। उमन आज जानकी जयंती के अवसर म मुख्यमंत्री श्री विष्णुदेव साय के राजिम आगमन के संबंध म होए तैयारी मन के जायजा लेत जरूरी निर्देश दीन। संगेच सबो जगा म जरूरी व्यवस्था ठउका करे ल कहिन। मंत्री श्री अग्रवाल ह मेला स्थल म निर्मित संत समागम क्षेत्र, दंडी मालिक घर, वीआईपी भोजनालय, महानदी आरती स्थल अउ लेजर शो के व्यवस्था मन के घलोक अवलोकन करिन। ए बेरा म उमन दंडी मालिक सच्चिदानंद सरस्वती महाराज ले मुलाकात करके उंखर से आशीर्वाद लीन। मंत्री श्री अग्रवाल ह मुख्य मंच ले लेजर अउ लाइट शो के अवलोकन करके बेहतर प्रदर्शन बर जरूरी सुधार करे के निर्देश दीन। मुख्य मंच अउ गंगा आरती स्थल म जानकी जयंती के अवसर म होवइया कार्यक्रम के सुचारू संचालन के जरूरी तैयारी पूरा करे के घलो निर्देश दीन। ए अवसर म राजिम विधायक श्री रोहित साहू, मेला सुरक्षा अधिकारी आईपीएस श्री भोजराम पटेल, उप संचालक पर्यटन विभाग श्री प्रताप पारख़ अउ आन जनप्रतिनिधिगण संग अधिकारी कर्मचारी मौजूद रहिन।