रायपुर, 28 फरवरी 2024। राजिम कुंभ कल्प 2024 मेला स्थल म यूनिसेफ अउ एनएसएस वॉलंटियर के संग जागरूकता अभियान चलाए जात हे। 27 ले 29 फरवरी तक चलाए जात जागरूकता अभियान के तहत वालंटियर मन कुपोषण मुक्त पंचायत अउ प्लास्टिक मुक्त छत्तीसगढ़ के संदेश देवत हें। स्वयं सेवक मन आओ मिलके कुपोषण दूर भगाए, प्लास्टिक हटाओ जीवन बचाओ के नारा ले लोगन ल जागरूक करत हें। संगेच शिशु संरक्षण महिना के तहत शिशु के देखभाल अऊ टीकाकरण के महत्व ल घलोक बताए जात हे। इही थीम म नुक्कड़ नाटक के माध्यम ले जागरूकता कार्यक्रम आयोजित करे जात हे, जेखर मुख्य उद्देश्य लइका मन ल कुपोषण मुक्त कराना, गर्भवती महिला मन बर आयरन के दवाई, गरम भोजन, एएनसी जांच के महत्व के प्रचार-प्रसार करना हे। कार्यक्रम म आंगनबाड़ी कार्यकर्ता अऊ एएनएम के भूमिका के बारे म घलोक विस्तार ले जानकारी देहे जात हे।
इही कड़ी म मंगल के मेला स्थल म श्री राजीव लोचन मंदिर ले लेके कुलेश्वर मंदिर तक रैली निकालके मनखे मन ल प्रेरित करे गीस। रैली म शासकीय महाविद्यालय छुरा के 26 वॉलंटियर अउ स्टाफ अउ यूनिसेफ जिला सलाहकार चित्रा साहू, सीजीडबल्यूटीपी फाउंडेशन ले रमेश कसा, प्रोग्राम मैनेजर अउ टीम उपस्थित रहिन। सबो वॉलंटियर ल एएसपी श्री डीसी पटेल अउ डीएसपी सुश्री निशा सिन्हा ह सर्टिफिकेट देके सम्मानित करीन।
राजिम कुंभ मेला स्थल म यूनिसेफ अउ एनएसएस वालंटियर मन ह कुपोषण मुक्त पंचायत अऊ प्लास्टिक मुक्त छत्तीसगढ़ के दीन संदेश
