रायपुर, 29 जनवरी 2020। धार्मिक न्यास अऊ धर्मस्व मंत्री श्री ताम्रध्वज साहू ह राजिम त्रिवेणी संगम म 9 फरवरी ले चालू होवइया राजिम माघी पुन्नी मेला के स्थल निरीक्षण करिन। एखर पहिली उमन अपन रायपुर स्थित निवास कार्यालय म मेला समिति के बैठक लेके मेला के तियारी मन के समीक्षा करे रहिन। उमन मेला ले संबंधित सबो जरूरी तियारी मेला चालू होए ले पहिली ठउका करे के हुकुम दीन। मउका जांच के बेरा म कलेक्टर सह अध्यक्ष राजिम माघी पुन्नी मेला स्थानीय समिति, पुलिस अधीक्षक, वन मंडलाधिकारी संग लोक निर्माण, लोक स्वास्थ्य यांत्रिकी, जल संसाधन, विद्युत मंडल, पर्यटन मंडल, संस्कृति, स्वास्थ्य, राजस्व अउर नगरीय प्रशासन विभाग के अधिकारी अऊ मेला समिति के सदस्य घलोक उपस्थित रहिन।
धर्मस्व मंत्री ह राजिम माघी पुन्नी मेला स्थल के निरीक्षण करिन
