राजिम माघी पुन्नी मेला केंद्रीय समिति के बैठक संपन्न

रायपुर, धार्मिक न्यास एवँ धर्मस्व मंत्री श्री ताम्रध्वज साहू के अध्यक्षता म आज राजिम माघी पुन्नी मेला के केंद्रीय समिति के बैठक राजिम नगर पंचायत के मंगल भवन म संपन्न होइस। बैठक म विशिष्ट अतिथि के रूप म खाद्य अऊ गरियाबंद जिला के प्रभारी मंत्री श्री अमरजीत भगत, राजिम विधायक श्री अमितेश शुक्ल घलोक मौजूद रहिन। बैठक म राजिम माघी पुन्नी मेला के तैयारियों के संबंध म विस्तृत चर्चा के गीस। बैठक म धर्मस्व मंत्री श्री साहू ह कहिन कि परंपरा के जइसे ये साल राजिम माघी पुन्नी मेला के आयोजन 16 फरवरी ले 1 मार्च तक होही। ये दौरान 3 स्नान पर्व 16 फरवरी, 23 फरवरी अऊ 1 मार्च ल होही। उमन कहिन कि कोविड प्रोटोकॉल के पालन करत राजिम माघी पुन्नी मेला के आयोजन करे जाही। उमन स्पष्ट करिन कि मेला म श्रद्धालु मन के सहूलियत अऊ सुरक्षा ल देखत व्यवस्था मन पहिली जइसे रइही।