रायपुर 16 फरवरी 2020। राजिम माघी पुन्नी मेला म सनिवार के आयोजित संत समागम म धर्मस्व मंत्री श्री ताम्रध्वज साहू ह वृन्दावन के महामंडलेश्वर योगी नवल गिरी जी महाराज संग बहुत अकन साधु-संत मन के सम्मान करिन अऊ प्रदेश के खुशहाली बर उंखर आशीर्वाद लीन। धर्मस्व मंत्री श्री साहू संत-समागम समारोह के मुख्य अतिथि रहिन। समारोह के अध्यक्षता सिहावा विधायक श्रीमती लक्ष्मी ध्रुव ह करिन। ये बेरा म धर्मस्व मंत्री ह कहिन कि राजिम माघी पुन्नी मेला म पउर साल के जइसे ये साल घलोक छत्तीसगढ. के संस्कृति, पारंपरिक खेल, तीज त्यौहार अऊ व्यंजन मन ल संघेरत मेला के असली पहिचान ल लहुटाए के उदीम करे गए हे। उमन कहिन कि अवइया साल मन म मेला चिन्हारी करे गए जगा म लगाइए जाही। एखर बर जिला प्रशासन कोति ले 25 एकड़ जमीन के चिन्हारी कर ले गए हे। उमन कहिन कि ये नवा मेला स्थल म श्रद्धालु मन अऊ साधु संत मन बर आश्रम, घर अऊ आन सुविधा विकसित करे जाही। एखर संगेच मेला स्थल म छत्तीसगढ़ के धार्मिक, ऐतिहासिक अऊ पुरातात्विक महत्व ल संजोये जाही। उमन सुव्यवस्थित मेला आयोजन बर जिला प्रशासन ल बधाई तको दीन।
राजिम माघी पुन्नी मेला म धर्मस्व मंत्री ह करिस साधु-संत मन के सम्मान
