- जिला के 29 हजार 129 किसान मन ल होही फायदा
- पहली किश्त के रूप म 24 करोड़ 12 लाख रूपिया किसान मन के खाता म अंतरित
अम्बिकापुर, 21 मई 2020। देश के पूर्व प्रधानमंत्री भारत रत्न स्वर्गीय श्री राजीव गांधी के पुण्यतिथि म मुख्यमंत्री श्री भूपेश बघेल ह आज राज्य शासन के महत्वाकांक्षी योजना राजीव गांधी किसान न्याय योजना के वीडियो कांफ्रेसिंग के जरिये पूरा प्रदेश बर शुभारंभ करिन। सरगुजा जिला ले कमिश्नर श्री ईमिल लकड़ा, कलेक्टर डॉ सारांश मित्तर, लुण्ड्रा विधायक डॉ प्रीतम राम, जिला पंचायत अध्यक्ष श्रीमती मधु सिंह, उपाध्यक्ष श्री राकेश गुप्ता, महापौर डॉ अजय तिर्की, जिला पंचायत के सीईओ श्री कुलदीप शर्मा संग आन जनप्रतिनिधि अम्बिकपुर स्थित स्वान कक्ष ले सामिल होइन। योजना के तहत सरगुजा जिला के 29 हजार 129 किसान मन ल फायदा होही। पहली किस्त के रूप म आज 29 हजार 129 किसान मन के खाता म 24 करोड़ 12 लाख 31 हजार रूपिया अंतरित करे गीस।