19 मार्च 2021। हमर प्रदेश के मुखिया दाऊ भूपेश बघेल ह 21 मार्च के प्रदेष 18 लाख 43 हजार किसान मन ल राजीव गांधी किसान न्याय योजना के चैथइया किस्त के रूप म 104 करोड़ 27 लाख रूपिया के भुगतान करहीं। अब तक ये योजना के तहत तीन किस्त करके धान उत्पादक किसान मन ल 4597 करोड़ 86 लाख रूपिया के भुगतान करे जा चुके हावय।
उही किसम ले प्रमाणित बीज उत्पादक 4777 किसान मन तीन किंस्त म 23 करोड़ 62 लाख रूपिया अउ गन्ना उत्पादक 34 हजार 292 किसान मन अतिरिक्त प्रोत्हासन अउ आदान सहायता के रूप् म 74 करोड़ 24 लाख रूपिया के भुगतान करे जा चुके हे।
ये तरह ले धान उत्पादक किसान मन के चैथइया किश्त के राशि मिलाके, प्रमाणिक बीज उत्पादक किसान अउ गन्ना उत्पादन किसान मन ल 5702 करोड़ 13 लाख रूपिया के भुगतान करे जाहीं।
पूर्व प्रधानमंत्री श्री राजीव गांधी के पुन्नतिथि 21 मई के प्रदेश के प्रमुख फसल मन के उत्पादन अउ उत्पादकता म बृध्दि करे खाातिर किसान मन ल कृषि आदान सहायता राशि देहे बर राजीव गांधी किसान न्याय योजना लागू करे गे हावय। एमा धान के संगे संग 13 ठिन आने फसल मन ल संघारे गेहे।
राजीव गांधी किसान न्याय योजना के तहत खरीफ 2019 म धान फसल लगइया किसान मन ल सहकारी समिति के माध्यम ले उपार्जित रकबा के अधार म जादा ले जादा 10 हजार रूपिया पर एकड़ के दर ले आदान सहायता राशि सीधा बैंक के खाता म किश्त म भुगतान करे जावत हे।
मुख्यमंत्री दाऊ भूपेश बघेल 21 मार्च के करहीं किसान मन ल राजीव गांधी किसान न्याय योजना के चैथइया किस्त के भुगतान
