बलौदाबाजार, 28 अगस्त 2021। राज्य सरकार के महत्वाकांक्षी योजना राजीव गांधी किसान न्याय योजना ले धान के बलदा किसान मन कोति ले आन फसल लेहे कोति रुझान बाढ़त हे। जिला के करीबन 18 सौ ले जादा किसान मन ह करीबन 34 सौ ले जादा एकड़ म सुगंधित, जैविक अउर जिंक धान, कोदो कुटकी रागी संग दलहन तिलहन के फसल मन के रोपण करके लाभ लेवत हें। उपसंचालक कृषि सतकुमार पैकरा ह बताइस कि सुगंधित धान, जिंक धान,जैविक धान, मक्का, कोदा-कुटकी, रागी फसल बर 16 सौ 20 किसान मन के 3 हजार 69 एकड़ रकबा के पंजीयन करे गए हे। संगेच दलहनी फसल अरहर उड़द मूंग अन्तर्गत 169 किसान मन के 2 सौ एकड़ पंजीयन करे गए हे। अऊ तिलहनी फसल तिल, रामतिल, मूंगफली, सोयाबीन अन्तर्गत 43 किसान मन के 91एकड़ संग ही फलदार वृक्ष अउर वृक्षारोपण अन्तर्गत 16 किसान मन के 44 एकड़ पंजीयन करे गए हे। राजीव गांधी किसान न्याय योजना के अन्तर्गत धान के बलदा आन फसल अउर वृक्षारोपण ल बढ़ावा देहे बर शासन कोति ले 10 हजार रूपिया प्रति एकड़ प्रदान करे जाही। जिला के सिमगा विकासखंड के अंतर्गत ग्राम कामता के किसान राहुल देव पिता खीरमल ह करीबन डेढ़ एकड़ अऊ किसान माता प्रसाद आदित्य ह रकबा 0.14 हेक्टेयर म धान के बदला वृक्षारोपण करे हे, जेमा वो ह पपीता अउर आन पौधा के रोपण करे हे। अइसनहे ग्राम विकासखंड बलौदाबाजार के ग्राम पनगांव के किसान संग्राम सिंह ध्रुव ह 0.303 हेक्टेयर म वृक्षारोपण करे हे। भाटापारा विकासखंड के ग्राम पाटन निवासी रामनिवास जाट ह करीब 2.5 एकड़ म मक्का के रोपण करे हे। संगेच ये साल किसान मन कोति ले बड़ मात्रा म वर्मी कंपोस्ट के उपयोग करे गए हे। जेखर से जैविक खेती ल बढ़ावा देहे के संग किसान मन के कृषि लागत म काफी कमी आवत हे। जेखर से अवइया समय म किसान मन के मुनाफ़ा म बढ़ोतरी के संग फसल मन के गुणवत्ता म सुधार होना निश्चित हे। किसान राजीव गांधी किसान न्याय योजना के लाभ उठाके बहुत उत्साहित होवतव हें अउर ग्राम के आन किसान मन बर प्रेरणा बनत हें।
लउछरहा..
बलौदाबाजार: चिरायु योजना ले संवरत हे जिंदगी, 6 बछर के श्रेया अब सुन पाही अवाज
February 14, 2024 Surabhi Tiwari Comments Off on बलौदाबाजार: चिरायु योजना ले संवरत हे जिंदगी, 6 बछर के श्रेया अब सुन पाही अवाजबलौदाबाजार,14 फरवरी 2024। कलेक्टर श्री चंदन कुमार के निर्देश म स्कूल अऊ आंगनबाड़ी केंद्र मन म...महतारी वंदन योजना महिला मन बर बनही अकतहा कमई के जरिया
February 6, 2024 Surabhi Tiwari Comments Off on महतारी वंदन योजना महिला मन बर बनही अकतहा कमई के जरियाबलौदाबाजार, 06 फरवरी 2024। बलौदाबाजार जिला के कसडोल विकासखण्ड के ग्राम बल्दाकछार निवासी विशेष पिछड़ी जनजाति...महतारी वंदन योजना के लाभ लेहे महिला मन म दिखत हे भारी उछाह
February 6, 2024 Surabhi Tiwari Comments Off on महतारी वंदन योजना के लाभ लेहे महिला मन म दिखत हे भारी उछाहबलौदाबाजार, 06 फरवरी 2024। योजना के लाभ लेहे बर प्रदेश के महिला मन म भारी उछाह...