राजीव गांधी किसान न्याय योजना : किसान मन के रूझान जैविक खेती अऊ फसल बदलाव कोति बाढि़स

रायपुर, राजीव गांधी किसान न्याय योजना अऊ राजीव गांधी गोधन न्याय योजना ले न सिरिफ गांव अऊ किसान मन के आर्थिक स्थिति पहिली ले बेहतर होए हे भलुक उंखर रूझान जैविक खेती अऊ फसल बदलाव कोति घलोक बाढ़े हे।
ग्राम तांदुल के किसान श्री केशव लाल टंडन ह बताइस कि ओ ह 4 एकड़ जमीन म जैविक खेती करथे। राज्य सरकार जैविक खेती ल बढ़ावा देवत हे अऊ एखर से रसायनिक उर्वरक मन उपर निर्भरता कम होवत हे। जैविक खेती ले परिवार अऊ लइका मन के स्वास्थ्य घलोक अच्छा होही। राज्य सरकार ह फसल बदलाव ल बढ़ावा देहे बर किसान मन ल प्रति एकड़ 10 हजार रुपए के राशि तको देवत हे।
सुगंधित धान के संग तिल, मुंग, धनिया अऊ चना जइसे फसल लेवइया पथरी गांव के किसान श्याम बघेल ह बताइस के ओ ह अपन 9 एकड़ के खेत म सुगंधित धान अऊ फोर्टिफाइड चांवल के उत्पादन करत हे अऊ एखर बर गोबर खाद अऊ वर्मी कम्पोस्ट के उपयोग करत हे। राजीव गांधी किसान न्याय योजना के माध्यम ले किसान मन ल अइसन समय म अतिक्ति राशि मिलथे जब ओ मन ल खेती- किसानी जइसे काम बर राशि के काफी जरूरत होथे।
परसदा गांव अभनपुर के किसान सीताराम साहू ह राजेंद्र कस्तूरी धान के उत्पादन करे हे। वो ह जैविक खेती ल बढ़ावा देहे बर श्री भूपेश सरकार के धन्यवाद करिस। ग्राम कुर्रा के किसान अनिल नायक ह कहिस कि फसल बदलाव करके मिट्टी के उर्वरता क्षमता ल बढ़ाए जा सकत हे। एखर से किसान मन के आमदनी म घलोक बढ़ोतरी होही।
मंदिरहसौद के किसान मोहन यादव ह कहिस कि राजीव गांधी किसान न्याय योजना ले राज्य के छोटे – बड़े सबो किसान लाभान्वित होवत हें अऊ फलत-फूलत हें। ए योजना ले ओ मन ल हाले म 24 हजार रूपिया के सहायता राशि मिले हे। एखर बर ओ ह मुख्यमंत्री श्री भूपेश बघेल अऊ राज्य सरकार ल धन्यवाद देवत हे।
किसान सीताराम साहू के कहना रहिस कि राजीव गांधी किसान न्याय योजना ले किसान मन खेती-किसानी के संग -साथ जरूरत के काम, लइका मन के पढ़ाई- लिखाई अऊइबर बिहा करे म सहायता मिलत हे। वो कहिस कि ‘भूपेश हे त भरोसा हे।